• Jeremías 4:19
    Mosoq Pacha Biblia

    • 19 ¡Ay imanaykusaqmi! ¡Imaynaraqmi kasaq!

      Llakikuymi sonqoyta ñit’iykushawan,

      llakikuymantan sonqoy sinchita phataqeshan,

      manan ch’inlla kayta atiymanchu,

      waqra tocaytan uyarini,

      guerrapaq qapariytan uyarini.+

  • Jeremías 8:18, 19
    Mosoq Pacha Biblia

    • 18 Llakikuyniyqa mana thaniqmi,

      sonqoyqa sinchi k’irisqan kashan.

      19 Llaqtaypa* yanapayta mañakusqanmi uyarikun,

      karu llaqtamantaraqmi khaynata uyarikun:

      “¿Manachu Jehová Dios Sionpi kashan?

      ¿Manachu reyninpas chaypi kashan?”, nispa.

      Diosmi nin: “¿Imaraykun phiñachiwarqankichis thupasqa idoloykichiskunawan?

      ¿Imaraykun phiñachiwarqankichis waj llaqtayoq mana valeq dioskunata yupaychaspaykichis?”, nispa.

  • Jeremías 9:1
    Mosoq Pacha Biblia

    • 9 ¡May allinchá kanman umay unu pujyu kanman chayqa!

      ¡May kusachá kanman ñawiymanta unu phawamunman chayqa!+

      Chhayna kaqtinqa llaqtamasiykunaq wañupusqanmantan tuta-p’unchay waqayman.