• 2 Reyes 18:13
    Mosoq Pacha Biblia

    • 13 Chunka tawayoq wataña rey Ezequías kamachikushaqtinmi Asiria rey Senaqueribqa+ Judá ayllu runakunawan maqanakuq jamurqan, jinan allin perqasqa llaqtakunata atipaspa jap’ikapurqan.+

  • 2 Crónicas 32:1
    Mosoq Pacha Biblia

    • 32 Tukuy chaykunata junt’aq sonqowan Ezequiaspa ruwasqan qhepamanmi,+ Asiria rey Senaquerib jamurqan Judá ayllu contra maqanakuq. Asiria reyqa allin perqasqa llaqtakunatan muyuykurqan, chay llaqtakunata jap’ikapuytapuni munaspa.+

  • Isaías 8:7, 8
    Mosoq Pacha Biblia

    •  7 Chaymi Jehová Diosqa Éufrates jatun mayuta paykuna contra apamunqa,

      Asiria llaqta reytan llapa soldadokunantinta apamunqa.+

      Payqa mayu jinan pampantinta lliuta mast’arikunqa,

       8 Judá ayllumanmi junt’aykunqa.

      Chay jamuq unuqa kunkankamaraqmi chayanqa,+

      ¡Emanuel,*+ paypa rafrankunaqa jallp’aykimanmi llapanman mast’arikunqa!”, nispa.

  • Isaías 10:28-32
    Mosoq Pacha Biblia

    • 28 Paymi Aíat llaqtaman chayarqan,+

      Migrón llaqtantan pasarqan,

      Micmashpin+ kaqninkunata saqerqan.

      29 Paykunaqa mayutan chimparqanku;

      Gueba llaqtapin+ puñurqanku.

      Ramá llaqtan manchakuymanta khatatatan,*

      Saulpa llaqtanmi,+ Guibeá llaqtan+ ayqekun.

      30 ¡Galinpa ususin, tukuy kallpaykiwan qapariy!

      ¡Laisa llaqta, makilla uyariy!

      ¡Ay, Anatoj llaqta,+ imaraqmi qanmanta kanqa!

      31 Majmená runakunan ayqekunku.

      Guebin runakunan pakakunku.

      32 Chay p’unchaymi Nob llaqtapi sayaykunqa.+

      Paymi Sion llaqtaq orqon contra jatarinqa,

      paymi orqopi kaq Jerusalén llaqta contra jatarinqa.

  • Isaías 33:8
    Mosoq Pacha Biblia

    •  8 Ñankunan ch’in kashan,

      manan pipas puriq kanchu.

      Enemigo runan rimanakuyta mana valeqman tukuchipun,

      manan llaqtakunatapas chaskinchu,

      manan pitapas respetanchu.+