• Isaías 1:23
    Mosoq Pacha Biblia

    • 23 Llaqtaykipi autoridadkunapas mana kasukuqkunan kanku,

      suwakunawan puriqkunan kanku.+

      Paykunaqa qolqeraykullan imatapas ruwanku, regalo chaskiyllapin purinku.+

      Manan mana taytayoqpaqpas ni viudapaqpas justiciata ruwapunkuchu.+

  • Jeremías 5:26-28
    Mosoq Pacha Biblia

    • 26 Millay runakunan llaqtaypi kan,

      urpikunata jap’iqkuna jinan makilla qhawashanku,

      wañuchinapaq trampakunatan churanku,

      runakunatan chaywan jap’inku.

      27 Imaynan jaulaqa urpikunawan junt’a kashan,

      chhaynan wasinkupas suwakusqankuwan junt’a kashan.+

      Chaywanmi qhapaqyapunku, atiyniyoqpas kapunku.

      28 Wirallañan kashanku, uyankupas llusk’allañan kashan,

      mana allin ruwasqankuqa mana tukukuqmi,

      mana taytayoqkunatapas manan yanapankuchu,+

      wajchakunapaqpas manan justiciata ruwapunkuchu,+

      paykunallan allin kaytaqa munanku”, nispa.

  • Miqueas 2:1, 2
    Mosoq Pacha Biblia

    • 2 “¡Ay imaraqmi kanqa mana allinta ruwanankupaq piensaqkunamanta!

      ¡Imaraqmi kanqa mana allinta ruwanankupaq puñunankupi yuyaykuqkunamanta!

      Paykunaqa pacha illarimuytan imachus piensasqankuta ruwanku,

      makinkupin ruway munasqankuqa kashan.+

       2 Campokunatan munapayanku, chaykunatataq dueñochakapunku,+

      wasikunatan munapayanku, chaytataq jap’ikapunku.

      Engañowanmi juj runaq wasinta qechunku,+

      engañowanmi juj runaq herencianta jap’ikapunku.

  • Miqueas 6:10
    Mosoq Pacha Biblia

    • 10 ¿Millay runakunaq wasillanpiraqchu kashan mana allin ruwaywan tarisqanku qhapaq kaykuna?

      ¿Chayllapiraqchu kashan suwa efá tupuna?*