• Isaías 60:17
    Mosoq Pacha Biblia

    • 17 Cobreq rantinpin qorita apamusayki,

      fierroq rantinpin qolqeta apamusayki,

      maderaq rantinpin cobreta apamusayki,

      rumiq rantinpin fierrota apamusayki.

      Thaj kaytan qankuna qhawaqta churasaq,

      chanin kaytataq qankuna kamachiqta churasaq.+

  • Jeremías 22:17
    Mosoq Pacha Biblia

    • 17 Qanmi ichaqa mana chaninta ruwaspa tarisqallaykiman ñawiykita sonqoykitapas churanki,

      mana juchayoq runakunaq yawarnin jich’ayllapin yuyaykunki,

      sarunchaspa jujkunata engañayllapin piensanki.

  • Jeremías 23:5
    Mosoq Pacha Biblia

    • 5 Jehová Diosmi nin: “Davidmanta chanin ch’ijchita* lloqsichimunaypaqmi p’unchaykuna chayamushanña.+ Juj reymi kamachikunqa,+ allin yachaywanmi kamachikunqa, chanin kaqtan, allin kaqtan kay jallp’api defiendenqa.+

  • Ezequiel 22:27
    Mosoq Pacha Biblia

    • 27 Paykuna ukhupi umallikunapas jap’isqan aychata llik’irpariq lobokuna* jinan kanku. Yawarta jich’aspan, runata wañuchispan paykunaqa qolqeta tarinku.+

  • Ezequiel 46:18
    Mosoq Pacha Biblia

    • 18 Umalliqa manan llaqta runakunaq herencia chaskisqantaqa qechunqachu. Wawankunamanqa paypa kaqnintan qonqa, manan llaqtaypi mayqen runatapas herencianmantaqa qarqonqachu, nispa”.

  • Miqueas 3:1-3
    Mosoq Pacha Biblia

    • 3 Noqan nirqani: “Jacobpa umallinkuna, uyariychis,

      Israel runakunaq comandantenkuna, uyariychis.+

      ¿Manachu qankunaqa chanin kaqta ruwanaykichis karqan?

       2 Qankunan ichaqa mana allin kaqta munakunkichis,+ allin kaqtataq cheqnikunkichis,+

      llaqtaypa aycha qarantan ch’utinkichis, tullunpi aychantan eqhankichis.*+

       3 Llaqtaypa aychantan mijunkichis,+

      aycha qarantapas lliutan ch’utinkichis,

      tullunkunatan p’akinkichis, lliutan ñut’unkichis,+

      mankapi wayk’usqata jinan ruwashankichis,

      mankapi chayachisqa aychata jinan ruwashankichis.