Experienciakuna

◼ Australia. Johnqa allin educacionniyoqmi, paymi erqellaraq kashaspa iglesiaman riq, ichaqa qhepamanmi manaña Diospi iñirqanchu. Huk p’unchaymi huk precursor ¿Es la vida obra de un Creador? folletota saqerqan, hukpitaq El origen de la vida folletota. Sapa killan revistakunata apallarqantaq Diospa kamasqanmanta, profeciakunamantapas rikuchinanpaq. Chay qhepamanmi La Biblia... ¿la Palabra de Dios, o palabra del hombre? librota. Chaykunata leespan manaña ñawpaqpi hinachu yuyaykurqan. Chaymatataq Imatapunin libromanta 20 paginapi 8 parrafota qhawachirqan, 23, 24 paginakunapi 13-16 parrafokunatapas. Johnqa chay libropi textokunata leespan anchata admirakuspa nirqan: “Hukmantachus hina Bibliata estudianay kanqa”, nispa.

◼ México. Huk kutinmi huk runa huk iñiqmasinchisman nisqa: “Bibliaqa manan Diospa Siminchu”, nispa. Hinan iñiqmasinchis nirqan: “Chhikanta chaymanta rimasunmanchu”, nispa chay runataq “arí” nirqan. Askha kutita rimasqanku qhepamanmi sonqonman chayarqan Bibliapi yachasqan. Imaynatachus kawsananchista yachasqanmi astawanqa kuyuchirqan. Paypunin nin: “Qallariypiqa Bibliapi yuyaychaykunata leesqaytan huk librokunamantapas kanman hinata qhawarirqani, kunanmi ichaqa sapa kuti leespa sonqoy huchachawan, astawanqa allin kawsaymanta leeqtiy”, nispa.

◼ Estados Unidos. Huk casarasqa iñiqmasinchiskunan askha runakunaq kasqanpi revistakunata rakisharqanku, chayllamanmi Taiwán nacionmanta huk warmi asuykuspa nirqan: “Diospiqa iñinin, ichaqa Bibliataqa Europa librota hinan qhawarini”, nispa. Chaywanpas yuyaykurqanmi kawsayninpi Biblia yanapananta, ¿imarayku? Qhapaqña karqan chaypas llakisqan sientekurqan. Chay iñiqmasikunaqa Imatapunin librowan, Cómo hallar paz y felicidad duraderas folletowanpas estudiota qosqaku. Imatapunin librowan 2 kaq capitulota estudianankumantaqa folletotan estudiarqanku “Una guía para toda la humanidad” yachachikuyta. 6 parrafokunata leesqanku qhepamanmi nirqan: “Askha librokunaña kan religionkunamanta chaypas manan tupanchu Bibliawanqa”, nispa. Profeciakuna hunt’akusqanta estudiasqanku qhepamanmi nirqan: “Hamuq tiempomanta sut’inta willaq Biblia hinaqa manan kanchu”, nispa.

◼ Japón. Huk runan iñiqmasinchisman willarqan Diospi mana iñisqanta. Iñiqmasinchismi ichaqa sapa kutilla visitaspa ¡Rikch’ariy! revistata aparqan hinan qhawachirqan “¿Kikillanmantachu paqarimurqan?” yachachikuyta. Pisi-pisimantan Kamaq kananpi creeyta qallarisharqan. Kunanqa manan iskayanñachu Dios kasqanmanta, iñiqmasinchistaq ¡Diosmanta hamuq allin willakuykuna! folletowan estudiota qoshan.

◼ Canadá. Huk warmin manaraq carronman wichashaspa huk iñiqmasimanta revistata chaskikurqan. Hukmanta visitashaqtinmi warmiqa nirqan: “Manan Diospiqa iñinichu, chaymi mana uyariykimanchu”, nispa. Iñiqmasinchismi ichaqa decidikurqan Cómo lograr una vida llena de satisfacción folletota apananpaq. Kutispataq nirqan: “Yachanin Diospi mana iñisqaykita, ichaqa sapallayki wawaykikuna uywasqaykita yachaspan yanapayta munayki”, nispa. Chay folletopi 4 paginapi 6 parrafota qhawachirqan, chaypin rimashan allin yuyaychaykuna tariy sasa kasqanta. Chaymantataq 2 yachachikuyta qhawachirqan, chaypin rimashan wawakunata uywanamata. Chaymi chay warmiqa sumaqta chaskikurqan folletota.