“Ñaupa tiempopi juchakunatan perdonarqan”

Juchamantaqa perdonasqa kasunman Jesús yawarninta jich’asqanraykullan, paymi juchanchismanta juj preciota pagarqan (Efes. 1:7). Chhaynaña kaqtinpas Bibliapin willashan imaynas “Diosqa ñaupa tiempopi juchakunata perdonapurqan” chayta, arí manaraq Jesús sacrificiopi cuerponta jaywashaqtin juchallikuq runakunatan perdonapurqan (Rom. 3:25). ¿Imaynatataq Jehová Diosri chayta ruwarqan?

Yachasqanchis jina Jehová Diosmi promesata ruwarqan juj miray jamunanpaq, chhaynapi chaypi iñiqkunaqa salvasqa kanankupaq. Chay promesata ruwasqanmantapachan Diospaqqa pipas chaypi iñiqqa librasqapas kanman jinaña kasharqan (Gén. 3:15; 22:18). ¿Imarayku? Jehová Diosqa seguropunin kasharqan wawan Jesús tiempollanpi jamuspa ch’uya cuerponta jaywananmanta (Gál. 4:4; Heb. 10:​7-10). Jesús kay pachapi kashaspaqa Jehová Diostan representarqan, chayraykun manaraq vidanta sacrificiopi jaywashaspapas autoridadniyoq karqan runakunaq juchanta pampachananpaq, chhaynapin paypi iñiq runakunaqa qhaliyachisqapas kaqku (Mat. 9:​2-6).