Yachachikuykuna

¿Jayk’a promesakunatan Jehová Diosman ruwaranchis? ¿Tukuy atisqanchistachu ruwashanchis promesa ruwasqanchista junt’ananchispaq? ¿Junt’ashanchischu bautizakusqanchis promesa ruwasqanchiswan casarakusqanchis promesa ruwasqanchiswanpas? Kay estudiopin yachasun Jefteq ejemplomanta Anaq ejemplomantawan. Promesa ruwasqankuwan junt’asqankuta yachaymi yanapawasun noqanchispas promesa ruwasqanchista junt’ananchispaq.

Sapa kutinpas imaynachus paraisopi kausay kanqa chayllapin mastaqa piensanchis. Kay estudiopin ichaqa yachasunchis imaynatas Dios tawa mana allin ruwaykunata chinkachinqa chayta. Chay yachasqanchimi yanapawasun allin iñiyniyoq kanapaq ima sasachakuytapas aguantanapaq ima.

Yaqapaschá Diospa llaqtanpi pipas mana allinta tratawaranchis otaq jujkunata chhaynata trataranku. Chaypiqa iñiyninchis, juch’uyaykukuq kayninchis, Diospaq junt’aq sonqo kayninchis imachá pruebaman churasqa karan. Kay iskaynin estudiopin yachasun Bibliapi kinsa willakuykunamanta, chaykunan yanapawasun Jehová Dios jina imatapas qhawarinanchispaq.

Jehová Diostaqa manan noqachisqa wajchamanpas ni qhapaqmanpas tukuchiytaqa atisunmanchu, ichaqa anchatan kusikun paypa gobiernonta apoyaqtinchisqa. Jueces libropi 4, 5 capitulokunapin yachasun imaynatas Jehová Dios qhawarin tukuy sonqowan servisqanchista chayta.