80 (180) taki

Diospa Libronmi tesoroqa

(Proverbios 2:1)

1. Huk libron kan kusikuy thak qoqninchis;

atiyniyoq yuyaykunan chaypi.

“Wañusqakunatapas” kawsachinmi,

“ñawsakunatapas” rikuchinmi.

Chay libropa sutinqa “Santa Biblia”.

Yuyaychasqa runan qelqaranku.

Qelqaq runakunaqa ch’uyan karan;

Diosmi espiritunwan yanapan.

2. Hunt’asqatan paykuna qelqaranku

Diospa imayna kamasqantapas.

Willankun Adanpa, ch’uya kasqanta,

Paraisopa chinkasqanmantapas.

Willawanchismi huk angelmantapas

Diospa contranpi sayarisqanta.

Paytaqmi qallarichiran huchata,

Diosmi ichaqa atipanqaña.

3. Kusikuy tiempopin kunan kawsanchis,

Cristoñan Rey hina kamachimun.

Diosmi qonqa kay p’unchay salvacionta

kamachisqanman hina serviqman.

Allin willaytan kay Libro yachachin;

manan qoriwanqa rikch’akunchu;

sumaq suyakuywanmi kayqa k’anchan:

¡aswan allin willay manan kanchu!