3 SARA
Manan saqemusqantaqa yuyarirqanpaschu
SARAQA Abrahanwanmi casarasqa kasharqan anchatataqmi paytaqa munakurqan. Paykunaqa Ur llaqtapin tiyarqanku, chay llaqtaqa allin cercasqan karqan, Éufrates mayupas chay llaqta qayllallapin kasharqan. Chay llaqtapi tiyaq runakunaqa imaymana idolokunatan adoraqku, Sarawan Abrahanpiwanmi ichaqa Jehová Diosta adoraqku. Juj p’unchaymi ichaqa Saraqa rikuchinan karqan maykamas Diospi confian chayta, valiente warmichus manachus chayta.
Juj kutinmi Abrahanqa Saraman willarqan Jehová Dioswan rimasqanta, Saraqa chayta uyarispaqa kusikurqanchá. Ichaqa Jehová Diospa kamachisqanta kasukuyqa manachá facilchu karqan. Paykunaqa wasinkuta familiankuta saqespan Ur llaqtamanta ripunanku karqan. Arí, paykunaqa camellokunapin serviqninkunawan kuska karuta purinanku karqan, karpakunapitaqmi tiyanankupas karqan. Manañan Ur llaqtapi jinachu allin cuidasqa kausananku karqan, manan wasinkupas, pationkupas, ununkupas ni imankupas tiyasqanku llaqtapi jinañachu kanan karqan. Paykunaqa imaymanatan saqenanku karqan, jujniraymantan kausanankupas karqan, chaywanpas Saraqa kasukurqanmi Diospa kamachisqanta. Chaymi payqa Jehová Diospi confiaspa alistakurqan familianmantapas despidikurqan, jinaspa Abrahanwan kuska mana reqsisqanku llaqtaman ripurqanku.
Saraqa manan Abrahantaqa mat’ipayarqanchu Ur llaqtaman kutinankupaqqa aswanpas Jehová Diospa kamachisqantan kasukurqan
¿Imakunapin Sara rikuchillarqantaq Diospi confiasqanta mana manchakuq kasqantapas? Paymanta rimaspan apóstol Pablo qelqarqan: “Ichaqa maymantachus lloqsimurqanku chaypi piensashallankuman karqan chayqa, ratullachá ima tumpallapas chayman kutiripunkuman karqan”, nispa (Heb. 11:15). Sichus Sara imakunachus saqemusqanpi piensanman karqan chayqa llakikuspan kutipuyta munanman karqan. Ichaqa manan chaytachu ruwarqan, aswanpas payqa mana manchakuspan Diospa kamachisqanta kasukurqan.
Purisqankuman jinan paykunaqa Canaán llaqtaman chayarqanku, chaypiqa manan ima mayupas karqanchu Éufrates mayu jinaqa. Chhaynataq karqan chayqa manachá barcokunapas ni juj ladokunamanta chayamuq cosaskunapas karqanchu. Chaytaqa ratullachá Saraqa repararqan. Tiempowanmi Canaán llaqtapi yarqay karqan jinan juj ladoman ripurqanku. Chhaynapiña tarikusharqanku chaypas Saraqa manan Abrahantaqa nirqanchu Ur llaqtankuman kutipunankupaqqa, aswanmi payqa Abrahanwan kuska Egiptoman ripurqan.
Saraqa may munay rijch’ayniyoq warmin karqan, chhaynataq karqan chayqa Abrahanqa manchakusharqanchá payta wañuchispa esposanwan qhepakapunankuta. Chaymi Abrahanqa Sarata yachachirqan “turaymi payqa” nispa ninanpaq. Chhaynataña Sara nirqan chaypas manan thajchu karqanku, aswanmi faraonqa munay rijch’ayniyoq kasqanta yacharuspa palacionman apamunankupaq kamachikurqan. Faraonwan tiyapuspaqa mana imata manchakuspachá Saraqa thajpi tiyapunman karqan, manañachá karpakunapiñachu tiyanman karqan. Ichaqa, ¿imatan Sara ruwarqan? ¿Qosan Abrahanmanta t’aqakuspachu faraonwan tiyapunman karqan? Manan. Payqa mana manchakuq valienten karqan, qosantapas anchatan munakuq. Chayraykun Jehová Diosqa qosanman kutichipurqan.a
Jehová Diosmi Abrahanman prometerqan miraynin runakuna jatun nacionman tukunanpaq. Chay kutipaqqa Saraqa manan wawayoqraqchu karqan, chayqa may sonqo nanaychá karqan paypaqqa. Tiempowanmi ichaqa Canaán llaqtapi kashaqtinku Diosqa paykunaman prometesqanta junt’arqan. Chay kutipaqqa 90 watanpiñan Saraqa kasharqan. Ichaqa, ¿iman pasarqan? Wawayoqmi Sara kapurqan, chay wawatan “Isaac” nispa suticharqanku. “Isaac” sutiqa “asikuy” ninantan nin. ¿Imarayku? Abrahanwan Sarawan wawayoq kanankuta yacharuspanku kusikuymanta asikusqankurayku. Chaymantapas Saraqa allintan yacharqan Jehová Dios milagro ruwasqanta rikuspa jujkuna kusikunankuta.
Saraqa allintan wawan Isaacta cuidarqan, chaymantapas yanaparqanmi Jehová Diosta munakunanpaq. Chayta ruwananpaqqa mana manchakuq valienten kanan karqan. Payqa Diospa kamachisqanman jinapunin ruwarqan, chayraykun manapuni imachus saqemusqanpiqa piensarqanchu. Aswanpas payqa jamuq tiempopi imachus chaskinanpin astawanqa piensarqan. Sarapas familianpas manaña Diospa llapa promesan junt’akusqantachu rikurqanku chaypas, jamuq tiempopiqa rikunqakupunin paykunaqa chay promesakunaq junt’akusqanta.
Kay textokunata leey
¿Imaniwaqmi?
¿Imakunata ruwaspan Sara rikuchirqan mana manchakuq kasqanta?
Astawan t’aqwiriy
1. Sarawan Abrahanwanqa kaq taytayoqmi karqanku, ichaqa ¿allinchu karqan paykunaq casarakusqanku? (wp17.3 12 párr. 5, willakuy).
2. ¿Imakunatan Sara saqenman karqan Ur llaqtamanta ripuspa? (wp17.3 13, 14). A
Photograph taken by courtesy of the British Museum
Foto A: Chay collartan tarirqanku Ur llaqtapi.
3. Abrahanmi Sarata yachachirqan “turaymi payqa” nispa ninanpaq, ¿allinchu karqan chay ruwasqan? (wp17.3 14, 15).
4. Saraqa respetarqanmi Abrahanta, ¿chayraykuchu mana ima piensasqantapas willanman karqan? (g 1/08 29 párrs. 4, 5). B
Dibujo B
Imakunapin yanapawasunman
Sarata comparasun Lotpa esposanwan.
¿Imapin paykuna igual-lla karqanku? (Gén. 12:1; 13:5-7; 19:12, 15).
¿Imapin paykuna jujniray karqanku? (Gén. 19:17, 26; Luc. 17:28-32).
¿Imatan yachasunman imachus ruwasqankumanta? ¿Imapin chay jawa paykuna tarikurqanku?
Saraqa munay rijch’ayniyoq warmin karqan, qosantaq qhapaq runa karqan. ¿Imatan Saramanta yachasunman qhapaqña munay rijch’ayniyoqña kasunman chaypas? (Prov. 31:30; 1 Tim. 6:17-19).
¿Imakunata ruwaspan rikuchiwaq Sara jina mana manchakuq kasqaykita? C
Foto C
Kaykunapi astawan piensariy
¿Imatan kaypi yachasqayki Jehová Diosmanta yachachisunki?
¿Imaynatan kaypi yachasqayki tupan imatachus Jehová Dios munan chaywan?
¿Imatan tapuwaq Sara kausarimpuqtin?
Astawan yachanapaq
¿Esposakunallachu yachankuman Saraq imachus ruwasqanmanta? ¿Imatan qosakunapas yachankuman Saramanta?
¿Imatan Sarawan Abrahanwan ruwarqanku casado kausayninkupi respetanakuspa kausanankupaq? Chayta kaypi yachay.
Munakuyniykichisqa “Jehová Diospa ninan jina” mana tukukuqmi kanan (w23.05 24, 25 párrs. 15-17)
a Juj kutinpas chhaynan Sarawanqa pasallarqantaq, rey Abimelecmi paywan tiyayta munallarqantaq. Saran ichaqa mana manchakuspa Abrahanpa nisqanman jina ruwarqan, jinan Jehová Diosqa chay reymanta librarqan.