8 JOSÉ
Manan urmarqanchu qhelli juchaman
JOSEQA Jacobpa munasqa wawanmi karqan, Jehová Diospas allinpaqmi paytaqa qhawarirqan. Ichaqa imaymana sasachakuykunapin tarikurqan, wayqenkunapas paytaqa cheqnikuqkun. Joseta taytan Jacob anchata munakusqanraykun wayqenkunaqa payta cheqnikuspa imaymanata ruwarqanku. Chaymantapas Joseqa Jehová Diospa yanapayninwanmi mosqoypi rikurqan imaynatas wayqenkuna payman k’umuykusharqanku chayta. Chayta yachaspan astawanraq wayqenkunaqa Joseta cheqnikurqanku.
José 17 watanpi kashaqtinmi Jacobqa kacharqan wayqenkunata watukamunanpaq. Askha p’unchaymi Joseqa purinan karqan. Wayqenkunaq kasqanman chayaqtinmi Josetaqa maqayta qallarirqanku, jinaspa juj t’oqoman wijch’uykurqanku. Manan auxilio mañakusqantapas kasurqankuchu. Josetaqa wañuchiytaraqmi munarqanku, ichaqa negocio ruwaqkunamanmi vendepurqanku. Chaymantataq taytankuta nirqanku: “Josetaqa ima phiña animalchá mijurapun”, nispa. Ichaqa manan chhaynachu karqan, Josetaqa Egiptomanmi negocio ruwaqkuna apapurqanku. Chaypin faraonpa oficialnin Potifarman esclavota jina vendepurqanku.
Chhaynapiña José tarikurqan chaypas manan llakikurqanchu, aswanpas mana manchakuspan chaypi llank’ayta qallarirqan. Chaymantapas Bibliapi nisqan jina “Jehová Diosmi Josewan kasharqan”. Arí, Jehová Diosmi yanapasharqan tukuy ima ruwasqanpas allin lloqsinanpaq, chaymi Potifarqa wasinmanta encargakuqta churarqan.
Josepa sasachakuyninkunaqa manan chayllapichu tukurqan, juj sasachakuykunapi iman tarikurqan. Bibliaq willasqanman jina “Joseqa kallpasapa munay rijch’ayniyoq waynamanmi tukupurqan”, chaymi Potifarpa warminqa paymanta enamorakurqan. Chaymi sapa kutillan mana p’enqarikuspa Josetaqa “noqawan puñuy” nispa nirqan. ¿Imatan José ruwanman karqan? Payqa esclavollan karqan, familianpas karupin kasharqan. Patronninkunaqa kamachillankumanmi karqan imata ruwananpaqpas. Chaychá Potifarpa warminqa paywan puñunanpaq mat’ipayarqan. ¿Kasurqanchu José chay warmita? ¿Atinmanchu karqan “manan” niyta?
Potifarpa warmin Joseta imaymanataña ruwarqan chaypas, ¿imaraykun José chay warmita mana kasurqanchu?
Bibliapi nisqanman jinaqa Joseqa manan chay warmiwan puñuyta munarqanchu. Payqa respetarqanmi patronnin Potifarta. Chaymantapas “¿imaynapitaq noqari chhayna sinchi mana allinta ruwaspa Dios contra juchallikuyman?” nispa nirqan. Jehová Diosta munakusqanraykun Joseqa mana manchakuspa “¡manan chaytaqa ruwaymanchu!” nirqan. Chaywanpas “chay warmiqa sapa p’unchaymi Joseta rimapayaq” paywan puñunanpaq. Juj p’unchaymi ichaqa kamachinkuna mana wasipichu kasqankurayku, chay warmiqa mana p’enqarikuspa “¡noqawan puñuy!” Nispa Joseta p’achanmanta jap’irqan. Jinan Joseqa jawa p’achanta saqerparispa ayqekurqan. Chaymantataq chay warmiqa Josepa p’achanta Potifarman rikuchirqan, jinaspa nirqan: “Josemi violayta munawan”, nispa. Chaymi Potifarqa sinchita phiñakuspa Joseta carcelman wisq’achirqan.
Joseta wisq’asqanku carcelqa tutayaqmi karqan, chaypin paytaqa “chakinkunata cadenakunawan watarqanku, fierrokunawanmi kunkantapas jap’ichirqanku”, askha p’unchaymi chhayna karqan (Sal. 105:17, 18). Chhaynapi tarikuspaqa yaqapaschá Joseqa pisipanman karqan. Ichaqa, ¿sapallanchu José kasharqan? ¡Manan! Jehová Diosmi paywan kasharqan, paypin tukuy sonqo confiarqan. Chaymi Joseqa carcelpi llank’ay qosqankutapas allinta junt’arqan, Jehová Diospas bendecirqanmi chay ruwasqanmanta. Tiempowanmi carcelpi kaqkunamanta encargakuqta churarqanku. Joseqa watan-watanmi mana manchakuspa imaymanata aguantarqan.
Joseqa allin iñiyniyoq mana manchakuqmi karqan, chaymi Jehová Diosqa payta allinpaq qhawarirqan. Juj kutinmi Jehová Diosqa faraonta mosqoypi rikuchirqan imakunachus pasanan karqan chayta, chaymi Joseqa Diospa atiyninwan imachus mosqokusqanta willarqan. Chaypin Joseqa faraonman willarqan qanchis wata askha mijuykuna kananmanta, qanchis watataq yarqay kananmanta. Chayta uyarispan faraonqa Joseta churarqan kamachikuq kananpaq, chhaynapi chay llaqta runakunata yanapananpaq. ¡Joseqa faraonman qatiq kamachikuqmi kapurqan! Chaymi Joseqa Egipto runakunata familianta ima yarqaymanta librarqan. Juj kutinmi Josepa wayqenkunaqa mijuna rantiq Egipto nacionta rirqanku, chaypin sullk’anku kasqanta mana yachaspa Joseman k’umuykurqanku. Chhaynapin waynallaraq kashaspa Josepa mosqokusqan junt’akurqan. Tiempowanqa wayqenkunapas humilde sonqo runakunamanmi tukupurqanku. Cheqnikusqanku Josemi paykunatapas, taytantapas, Israel naciontapas salvarqan. ¡Tukuy chaykunataqa ruwarqan allin iñiyniyoq mana manchakuq kasqanraykun!
Kay textokunata leey
¿Imaniwaqmi?
¿Imakunata ruwaspan José rikuchirqan mana manchakuq kasqanta?
Astawan t’aqwiriy
1. ¿Cheqaqtapunichu José Egiptopi tiyarqan? (g 11/10 15 párr. 2).
2. ¿Imaynapin José yacharqan jujwan pantayta Jehová Dios cheqnikusqanta? (Gén. 39:9; w22.08 26 párr. 2).
3. ¿Imaraykun Jehová Dios allinpaq qhawarirqan Egiptopi José kamachikuq kasqanta? (w96 1/5 11 párr. 4). A
Dibujo A
4. José 110 watanpiña kasharqan chaypas, ¿imaraykun mana iñiypi pisiparqanchu? (Gén. 50:25, 26; w07 1/6 28 párrs. 10, 11). B
Dibujo B
Imakunapin yanapawasunman
Joseqa wayqenkunata manan kaqtachu mana allinta ruwarqan, ¿imaynatan chay ejemplo yanapawasunman iñiqmasinchiskuna ofiendewaqtinchis? (Gén. 45:4, 5; 50:19-21).
Joseqa maypiña kaspapas Dios sonqollapunin karqan, ¿imaynatan chay yanapawasunman. . .
. . . escuelapi kashaqtinchis? C
Foto C
. . . viajepi kashaqtinchis? D
Foto D
. . . celularta qhawashaqtinchis otaq internetpi kashaqtinchis? E
Foto E
¿Imakunata ruwaspan rikuchiwaq José jina mana manchakuq kasqaykita?
Kaykunapi astawan piensariy
¿Imatan kaypi yachasqayki Jehová Diosmanta yachachisunki?
¿Imaynatan kaypi yachasqayki tupan imatachus Jehová Dios munan chaywan?
¿Imatan tapuwaq José kausarimpuqtin?
Astawan yachanapaq
José sasachakuypi tarikusqanta Jehová Dios jinallataña qhawarqan chaypas, payqa yanaparqanmi chaykunata aguantananpaq. Qantapas Jehová Diosqa yanapasunkin.
“Jehová Diosmi yanapawasun allillan kananchispaq” (w23.01 14-19)
¿Imaynatan wawakuna José jina kankuman jujkuna mana allinta trataqtinku?