BIBLIAMANTA TAPUKUYKUNA
¿Perdonasqachu kasunman juchanchismanta?
Diosqa atinallanchistan mañawanchis
Bibliapipas nishanmi llapa runa juchayoq kasqanchista. Llapanchismi ñaupaq kaq taytanchis Adanmanta juchayoqkama paqarimunchis. Chaymi mayninpiqa mana allinta ruwanchis, chaymantañan arrepentikunchis. Diosninchismi ichaqa churin Jesucristota kachamurqan, wañuspa juchamanta librawananchispaq. Jesucristoq wañusqanraykun juchamanta perdonasqa kanchis. Chaytaqa Diosninchismi juj regalota jina qowanchis (Leey Romanos 3:23, 24).
Wakin runakunaqa jatun juchakunatan ruwarqanku, chaymi paykunaqa ninku “Dios juchayta perdonawanmanchu” nispa. Bibliapin nishan: “Churin Jesuspa yawarnintaq tukuy ima juchamantapas limpiawasun”, nispa (1 Juan 1:7). Chhaynan, Jehová Diosqa jatun juchataña ruwarqanchis chaypas perdonawanchismi, ichaqa sonqomantan arrepentikunanchis (Leey Isaías 1:18).
¿Imatan ruwananchis Diosninchis juchanchismanta perdonawananchispaq?
Jehová Dios juchanchismanta perdonawananchispaqqa paymanmi asuykunanchis, paytan reqsinanchis, yachananchismi imakuna ruwasqanta, ima kamachikuykuna qowasqanchistapas (Juan 17:3). Jehová Diosqa perdonanmi juchallikuq runa cheqaqtapuni juchanmanta arrepentikuspa, amaña chayman urmananpaq kallpachakun chayqa (Leey Hechos 3:19).
Diosqa manan mana atinanchistaqa imatapas mañawasunmanchu. Payqa yachanmi juchayoq runakuna kasqanchista. Chaymantapas Jehová Diosqa munakuq khuyapayakuqmi. Chhaynaqa kallpachakuy paypa allin qhawarisqan kanaykipaq imakuna ruwanaykita yachanaykipaq (Leey Salmos 103:13, 14).