Circuito asambleapaq mosoq programa

Kunan tukukuy p’unchaykunapi kay qhelli pachapiqa waqaychananchispuni espiritual p’achanchistapas, cristiano kayninchistapas (Apo. 16:15). Chayrayku 2006 servicio watapi allinpuni circuito asambleapaq temaqa: “Mosoq runa-kaywan p’achakuychis” (Col. 3:10).

Ñawpaq kaq p’unchay. “Mosoq runa-kaywan p’achasqa kasqanchista rikuchisun” sutichasqa qallariq t’aqakunayoq discursoqa, rimanqa imaynatan mosoq runa-kayqa allinninchispaqpuni kanman kawsayninchispi imaymana ruwananchispaq. ¿Imaynata t’ikarichisunman mosoq runa-kayninchista? Kay tapuyqa kutichikunqa ñawpaq kaq p’unchaypa tukunapaq iskay discursokunapi, chaykuna kanku: “Kamachikusun allinta yuyaymanananchispaq”, “Mosoq runa-kayninchista llut’aq yachachiy” ima.

Iskay kaq p’unchay. “Kallpachakusun yachayniyoqkunaq rimayninwan kananchispaq” Iskay kaq t’aqakunayoq discursopi, t’aqwikunqa imaynatan mosoq runa-kayninchisqa kuyuchiwanchis rimayninchista allin kamachikunanchispaq. Hatun discursoqa (Discurso público) sutichakun “¿Atipashanchischu Saqrata?”, chaypin kallpachakuwasunchis rikch’ashaqlla kananchispaq, Satanaspa toqllankunaman mana urmayunanchispaq. Asamblea tukunapaq discursokunaqa kaykunan: “kay pachaq millay ruwayninkunaman mana chhaqrukuspa waqaychakusun”, “Sapa p’unchay sonqonchista mosoqchasun” ima, chaykuna yanapawasun Jehováq chanin kamachikuyninkunaq contranpi ruwaykunata karunchananchispaq, pay yupaychayninchispitaq qaqata sayananchispaq.

Munashanchispuni kay discursokuna uyariyta, kallpachawasunmi mosoq runa-kaywan p’achakunanchispaq, chayta waqaychananchispaqpas.