Kallpachakuy estudiota qallarinaykipaq
1 Jesusmi qatikuqninkunata niran: “Chakrakunata allinta qhawariychis, ichhunapaqmi poqosqaña kashan”, nispa (Juan 4:35). Cristianokunaqa allintan reparanchis Jesuspa rimasqan kay tiempopi hunt’akusqanta.
2 Diospa munayninmanta yachayta munaq runakunaqa askharaqmi kashan, chaytan yachanchis sapa wata mosoqkunaq bautizakusqanwan. Sichus munankipuni estudio qallariyta chayqa ¿imatan ruwawaq?
3 Kallpachakuy tarinaykipaq: Ñawpaqtaqa estudiota qallarinaykipaq decidikuy. Estudio tariy yuyaywantaq predicay. Ichaqa llapallanchismi kallpachakunanchis estudiota qallarinapaq, Diosqa manan predicanallanchispaqchu kamachiwanchis runakunaman yachachinanchispaqwanmi kamachiwanchis (Mat. 24:14; 28:19, 20).
4 Huk yanapaykuna: Tukuy sonqomanta mañakuymi yanapawasun. Mayninpin tarinchis Bibliamanta yachanankupaq Diosmanta mañakuq runakunata. Sichus Jehová Diosmanta mañakusun chayqa, tarisunmanmi chay runakunata Bibliamanta yachachinanchispaq (Hageo 2:7; Hech. 10:1, 2).
5 Huk pananchismi Diosmanta mañakuran estudiota qallarinanpaq. Hinan llank’ananpi ¿Le gustaría saber más de la Biblia? nisqa tratadokunata runakunaq rikunanpaq hina churaran. Chaymi huk warmi tratadota hoqarispa leeyta qallarisqa tratadoq tukuynin paginapi kaq recuadrochapitaq sutinta qelqasqa, chayta rikuspataq pananchisqa chay warmiman asuykuspa estudiota qallarisqa.
6 Wakin wayqe pananchiskunaqa usqhaylla qallarinku estudiota, paykunan yanapasunkiman huk estudiollatapas tarinaykipaq. Mañakushallaypuni Diosmanta estudiota tarinaykipaq chaskikuytaq yanapaykunatapas. Chhaynapin pisi tiempollamanta estudiota tariwaq.