“Diospa munakuyninpi allinta takyaychis”
1. ¿Imapaqmi ruwakuran “Diospa munakuyninpi allinta takyaychis”, nisqa libro?
1 Junio killapi 29 p’unchay semanamantapachan “Diospa munakuyninpi allinta takyaychis” nisqa librota estudiayta qallarisun. ¡Ima hinaraqchá chay p’unchay chayamunantaqa suyakushanchis! Chay libroq qallariyninpin Umalliq T’aqa apachimuran llapa Diosta serviqkunapaq huk cartata. Chaypin niran: “Kay libron ruwakun cheqaq yachachikuyman hina kawsananchispaq, kay libroq yanapayninwan ‘Diospa munakuyninpi allinta takyaspa [...] wiñay kawsay qowananchista suyakunapaqwan’, chaytan munayku tukuy sonqomanta (Judas 21)”, nispa.
2. ¿Imakunapin yanapawasun chay libro?
2 ¿Imakunapin yanapawasunman? ¿Bibliaq nisqanman hinachu kawsashanchis, rimashanchispas? ¿Chaypi kamachikuykunaman hinachu akllakushanchis amigokunata, imapi kusirikuytapas? Casarakuna kaqtin ¿Bibliaq nisqanman hinachu imatapas ruwashanchis? ¿Kasukuqchu kanchis? Chaykunata allinta hunt’ananchispaqmi yanapawasun chay libro, chhaynapitaq allin concienciayoq kaspa tukuy imatapas Diospa munasqanman hina ruwasunchis (Sal. 19:7, 8). Chaymantapas allintan yachasunchis imakunatachus Dios munan chayta, chaymantataq astawanraq munasun sonqonta kusichiyta (Pro. 27:11; 1 Juan 5:3).
3. ¿Imaraykun kallpachakunanchis sapa semana chay estudiopi kashananchispaq, tapuykunaman kutichinanchispaqpas?
3 Allinta preparakusun: Siminchiswan Jehová Diosta hatunchananchispaqmi allinta chay librota preparakunanchis (Heb. 13:15). Chay librotaqa llapanchismi Huñunakuna Wasipi estudiasunchis. Pisi-pisillamantataq chay librota estudiasun chayqa, llapallanchismi allinta preparakunanchis, chhaynapin mana manchakuspa tapuykunata kutichisunchis. Allinta preparakuspa rimasun chayqa, ñoqanchispuran kallpachanakusun allin kaqta ruwashanallanchispaq, chaymantapas sumaqmi kanqa chay huñunakuyninchis (Heb. 10:24). Chaymantapas anchatan kusikusun Jehová Diosta siminchiswan hatunchasqanchismanta.
4. ¿Imaraykun Jehová Diospa kamachikusqanman hina kawsananchis?
4 Diospa kamachikuyninkunata kasukuqtinchisqa munakuwashallasunmi payqa, chaytan Jesusqa rikuchiran manaraq wañupushaspa (Juan 15:10). Chay libroqa yanapawasunmi Bibliaq nisqanman hina kawsananchispaq, chhaynapin ‘Diospa munakuynillanpi’ kashasunchis (Jud. 21).