Tapuykuna

◼ ¿Ima textokuna yanapawasunman huñunakuypi predicacionpipas celularkunata utilizanapaq?

“Imaymanapaqmi tiempo kan” (Ecl. 3:1). Celularkunaqa imaymanapi yanapawasunman yaqapaschá pitapas waqyanapaq otaq mensajeta apachinapaq. Chaywanpas manapuni cristianokuna chaykunawanqa distraekunanchischu. ¿Imarayku? Huñunakuykunapiqa Jehová Diosta hatunchanchis, espiritual mikhuyta chaskinchis, hukkuna-hukkunawan kallpachanakusqanchisrayku ima (Deut. 31:12; Sal. 22:22; Rom. 1:11, 12). Chhaynaqa, ¿manachu huk ratollapas apagasunman otaq huñunakuy qhepataña mensajekunata qhawasunman? Sichus pipas usqhaylla wakyamuwananchista suyashanchis chayqa, hukkunata mana distraenapaq hinan programasunman.

Tukuyta ruwana ‘allin willakuykunarayku’ (1 Cor. 9:23). Yaqapaschá predicacionpi pusariq iñiqmasinchis wakyanan kanqa huk cheqaspi predicaq iñiqmasita, chhaynapi tarikuspaqa allinmi kanman celularmanta wakyakuy. Otaq manaraq estudiantekunata visitashaspa wakyanmanmi sinchi karupi kaqtin. Ichaqa pitapas predicashaspaqa manan kaq ratoqa celularta hap’inanchischu pipas wakyamuwaqtinchis kutichinapaq (2 Cor. 6:3). ¿Allinchu kanman iñiqmasinchis predicashaqtin ñoqanchis celularninta wakyakuy otaq mensajekunata apachiy? Manan, aswanpas makilla uyarinanchis predicasqanta.

Ama allinnillanchistaqa maskhasunchu (1 Cor. 10:24; Filip. 2:4). Ama hayk’aqpas ninanchischu: “Imay horastapas chayallaymanmi predicanapaq huñunakuymanqa celularniy kapuwan wakyanaypaq otaq mensajeta apachinaypaq maypi predicanankuta tapunaypaq”, nispa. Ichaqa kaypi yuyaymanay: Sichus tardeta chayasun chayqa, hukmanta umalliqqa cambianan kanqa predicanapaq asignasqakunata. Mayninpiqa tardetan chayasunman ima sasachakuypas kaqtin. Chaywanpas kallpachakunanchismi horanpi chayananchispaq, chhaynapin rikuchisun Jehová Diospa kamachikusqanta, predicacionpi umalliqta, iñiqmasinchistapas respetasqanchista.