Wayna-sipas kallpachakuy “allin ruwaykunata” ruwanaykipaq

Apóstol Pablon Titoman carta qelqasqanpi waynakunata, jinallataq Titotapas niran “tukuy imatapas allinta” ruwanankupaq kallpachakunanku kasqanta (Tito 2:6, 7). Chay capitulopin nillarantaq Diospa llaqtan ch’uyanchasqa kananta, chhaynapi “tukuy imatapas allinta” kusikuywan ruwanankupaq (Tito 2:14). Chay allin ruwaykuna ukhupin kashan Diospa gobiernomanta predicay yachachiy ima. Wayna-sipas, ¿kallpachakuwaqchu tukuy atisqaykita precursor regular otaq precursor auxiliar kanaykipaq? (Prov. 20:29.)

Precursor kayta munanki chayqa, ñaupaqmantaña qhawariy imaynatas junt’awaq chayta (Luc. 14:28-30). Kay tapuykunapi piensay, ¿atinkichu precursor kaspa gastoykikuna pagayta? ¿Imatan ruwanki horaykikunata junt’anaykipaq? Jehová Diosman willay ima ruway munasqaykita (Sal. 37:5). Jinaspapas tayta-mamaykiwanmi yanapachikuwaq, askha wataña precursor kaqkunawan ima. Chay qhepamantaq imachus necesitakusqanman jina ruwashayña. Jehová Diosmi bendecisunki tukuy imapi kallpachakusqaykita.

QHAWACHIY JEHOVÁ DIOSTA JATUNCHAQ WAYNA-SIPASKUNA NISQA VIDEOTA CHAYMANTATAQ QATIMUQ TAPUYKUNATA RUWAY:

• ¿Ima sasachakuykunatan wakin hermanokuna atiparanku precursor kanankupaq?

• ¿Imatan tayta-mamakuna ruwankuman wawanku precursor regular kanankupaq?

• ¿Imaraykun allin kanman predicanapaq juj horariota ruwakuy?

• ¿Imatan hermanokuna ruwankuman iñiq t’aqapi precursorkunata kallpachanankupaq yanapanankupaqpas?

• ¿Ima bendicionkunatan chaskinku precursorkuna?