Runakunawan rimanapaq yanapaykuna: ¿Imaynatan Diosmanta willasunman intercomunicadorninta?

¿IMARAYKUN CHAYTA RUWANANCHIS? Millay runakuna yapakusqanraykun askha runakuna wasinkuman camarata otaq intercomunicadorta churachikunku. Yaqapaschá camaranta rikumuwaqninchis runaman manchakusunman Diosmanta willayta mana rikuyta atisqanchisrayku. Qatimuqpi yachasun imatas ruwananchis mana manchakuspa rimananchispaq chayta.

¿IMAYNATAN RUWASUNMAN?

• Camarata otaq intercomunicadorta punkuman churaq wakin runakunaqa munankun noqanchiswan rimayta, chaymi mana iskayaspa rimananchis.

• Wakin camarakunaqa manaraq timbreta tocashaqtinchismi grabashanña, chaymi wasiyoqqa uyarishanman otaq rikumushanman imachus rimasqanchista ruwasqanchistapas.

• Intercomunicadorninta pipas rimamuqtinqa ñaupaqeykipipas kashanman jinan paywan parlanayki. Asirikuspan sumaqllata rimapayanayki. Punkuta kichamuq runaman imatas niwaq karan chhaynatan paymanpas niwaq. Juj wasipi cámara kaqtinqa ama nishuta qayllaykuychu.

• Rimayta tukusqayki qhepamanpas wasiyoqqa uyarimunmanraqmi rimasqanchista.