DIOSPAQ JINA KAUSASUN
Kuraq warmikunata mamanchista jina rikusun sullk’akunatataq pananchista jina
Bibliapiqa niwanchismi kuraq hermanonchiskunata tayta-mamanchista jina rikunanchispaq, sullk’akunatataq wayqenchista pananchista jina rikunanchispaq (leey 1 Timoteo 5:1, 2). Astawanqa qharikunan hermanakunata sumaq respetowan qhawarinanku.
Juj hermanoqa manan jayk’aqpas juj hermanata pujllapayananchu nitaq p’enqakunanpaq jinaqa rimapayananchu (Job 31:1). Juj soltero hermanoqa manan juj soltera hermanata rimapayananchu paywanpas reqsinakuyta munashanman jinataqa, sichus paywan mana casarakuyta munanchu chayqa.
Umalliqkunaqa tukuy yuyaywanmi uyarinanku hermanakunaq tapukuy munasqankuta, otaq imamantapas yanapayta mañakuqtinkuqa. Astawanqa mana qosayoq hermanakunatan yanapananku (Rut 2:8, 9).
MANA JAYK’AQ TUKUKUQ MUNAKUYTA RIKUCHISUN VIUDAKUNAMAN MANA TAYTA-MAMAYOQKUNAMANWAN NISQA VIDEOTA QHAWASPA, KAY TAPUYKUNATA KUTICHIY:
¿Imakunata ruwaspan iñiq t’aqapi hermanokuna hermananchis Myint-ta kallpacharanku?
¿Imanirankun hermananchispa vecinonkuna iñiq t’aqapi hermanokunaq yanapasqanta rikuspanku?
¿Imatan hermananchispa ususinkuna ruwashanku hermanokunaq yanapasqanta rikuspanku?
¿Imakunata ruwaspan iñiq t’aqapi hermanakunata yanapawaq?