¿Imakunatawanraqmi hermananchiskuna ruwankuman?

Jehová Diospa llaqtanpiqa imaymanakunapin hermananchiskunaqa yanapakunku (Sal. 68:11). Paykunaqa askha runakunamanmi Bibliamanta yachachishanku, askhataqmi sapa killa 70 horasta Jehová Diosmanta willamushanku. Askha hermananchiskunan yanapakushanku Betel wasipi, juñunakunapaq wasi ruwaypi, juj simikunaman qelqakunata ruwaypi, wakintaq tukuy tiemponkuwan Diosmanta willashanku. Askha hermanakunan allin iñiyniyoq kasqankurayku iñiq t’aqapipas familiankupipas allinta yanapakushanku (Prov. 14:1). Manaña atinkuchu iñiq t’aqapi umalli kayta chaypas hermananchiskunaqa imaymanatan ruwankuman. Wakinmi kaykuna:

• Jehová Diosta allinta reqsispa, kallpachakuy pay jina kanaykipaq (1 Tim. 3:11; 1 Ped. 3:3-6).

• Chayllaraq Jehová Diosta reqsiq hermanakunata yanapay (Tito 2:3-5).

• Kallpachakuy Diosmanta sapa kutilla willamunaykipaq allinta yachachinaykipaqpas.

• Waj llaqtayoq runakunata Diosmanta yachachinaykipaq juj simita yachay.

• Diosmanta willaqkuna necesitakusqan llaqtaman yanapakuq riy.

• Betelpi, juñunakuna wasikuna ruwaypi yanapakunaykipaq solicitudta mañakuy.

• Diospa gobiernonmanta willaqkunapaq escuelaman rinaykipaq solicitudta mañakuy.

HERMANANCHISKUNAQA ALLINTAN YANAPAKUSHANKU DIOSPA LLAQTANPI NISQA VIDEOTA QHAWASPA, KAY TAPUYKUNATA KUTICHIY:

• ¿Imata ruwanaykipaqmi kallpacharasunki kay videopi hermanakunaq willakusqanku?