DIOSPAQ JINA KAUSASUN
Jehová Diosqa yanapawasunmi sasachaykunata aguantananchispaq
Tukukuy p’unchaykunapi kausasqanchisraykun llapanchispas sinchi sasachakuykunapi tarikushanchis. Mayninpiqa sinchi llakipi tarikuspan nisunman: “Manañan aguantayta atinichu”, nispa. Jehová Diosman asuykuspan ichaqa sinchi sasachakuytapas aguantasun (Isa. 43:2, 4). ¿Imaynatan Jehová Diosman astawan asuykusunman sinchi sasachakuypi tarikushaspa?
Diosmanta mañakuy. Jehová Diosmanmi llakikuyninchista willakunanchis, jinan payqa thaj kayta, kallpata ima qowasun aguantananchispaq (Filip. 4:6, 7; 1 Tes. 5:17).
Juñunakuykuna. Kunanmi astawanqa necesitanchis Bibliamanta yachachikuykunata uyariyta, hermanonchiskunaq kallpachaynintapas, chaykunatan juñunakuykunapi chaskinchis (Heb. 10:24, 25). Sichus allinta preparakusun, juñunakuykunaman risun, tapuykunamanpas kutichisun chayqa, Jehová Diosmi santo espiritunta qowasun (Apo. 2:29).
Diosmanta willay. Sichus tukuy atisqanchista ruwasun Diosmanta jujkunaman willamunanchispaq chayqa, allin kaqkunapin astawanqa piensasun. Chaymantapas chay llank’aypiqa hermanonchiskunawan Dioswan iman kuska llank’anchis, chhaynapin paykunawanqa aswan amigontin kapusunchis (1 Cor. 3:5-10).
JEHOVÁ DIOSMI CUIDASUNKI NISQA VIDEOTA QHAWASPA, KAY TAPUYKUNATA KUTICHIY:
¿Imakunan Malu hermananchista yanaparqan Jehová Diosmanta ama karunchakunanpaq?
¿Imaynatan Salmos 34:18 textopi nisqan Maluta jina noqanchistapas yanapawasunman?
Jehová Diosmi Maluman “runakunaq mana aypay atisqan atiyta” qorqan, ¿qowasunmanchu noqanchismanpas chay atiyta sinchi llakipi tarikuqtinchis? (2 Cor. 4:7).