DIOSPAQ JINA KAUSASUN
Jehová Dios jina qhawarikuy
“Jehová Diosqa may kusisqan llaqtanwan kashan” (Sal. 149:4). Payqa astawanqa qhawamushan allinkuna ruwasqanchistan. Ichaqa yaqapaschá jujkuna mana allinpaq qhawawasqanchista rikuspa otaq ñaupaqpi mana allin ruwasqanchista yuyarispa nisunman: “Noqaqa manan imapaqpas valenichu, Diosqa manan munakuwanmanchu”, nispa. Chhaynata piensaspaqa manan Jehová Dios jinachu qhawarikushasunman. Chhaynaqa, ¿imatan ruwawaq?
Jehová Diosqa manan runakuna jinachu jawallanta qhawan, aswanpas runaq sonqontan qhawan (1 Sam. 16:7). Noqanchis kikinchispas manan allintachu reqsikunchis, Diosmi ichaqa allinta yachan imayna kasqanchista. Bibliapin willashan imatachus Jehová Dios noqanchispi qhawasqanta, chayta leespan yachasunchis mayta munakuwasqanchista.
AMA SONQONCHISPI ISKAYASUNCHU JEHOVÁ DIOS MUNAKUWASQANCHISMANTA NISQA VIDEOTA QHAWASPA, KAY TAPUYKUNATA KUTICHIY:
¿Imatan yachasunman juj phawaqpa papanmanta?
Diosman kutirikusqayki qhepaman sonqoyki juchachashasunkiraq chayri, ¿imatan ruwawaq Jehová Dios munakusqasuykimanta ama iskayanaykipaq? (1 Juan 3:19, 20).
¿Imaynatan hermanonchista yanaparqan Davidmanta Jehosafatmanta yachay?