Coronavirus onqoyraykun soqta millón runakuna wañuranku | ¿Imanishanmi Biblia chaymanta?

Organización Mundial de la Salud (OMS) nisqanman jinaqa 2022 wata, 23 mayo killakamaqa soqta millón más runakuna wañuranku Coronavirus onqoyrayku. Ichaqa chay kikin organización 2022 watapi, 5 mayo killapi, juj willakuypi sut’inchasqanman jinaqa, chay onqoyrayku wañuqkunaqa aswan askharaqsi kanman. Chay willakuypi nisqanman jinaqa 2020, 2021 watakunapi Coronavirus onqoyrayku wañuqkunaqa 14 millón más runakunas kanman. Chay noticiakunamanta yachayqa may llakikunapaqmi. ¿Imanishanmi Biblia chay desgraciakuna pasasqanmanta?

Bibliaqa willaranñan millay onqoykuna kananta

•  Jesusqa willaranñan “tukukuy p’unchaykunapi” “mast’arikuq millay onqoykuna” kananta (2 Timoteo 3:1; Lucas 21:11).

Jesuspa willasqan profeciaqa kay p’unchaykunapin junt’akushan. Chaymanta astawan yachanaykipaq qhaway, “¿Cuál es la señal de los “últimos días” o “los tiempos finales”?”, nisqa yachachikuyta.

Bibliapin sonqochakuq simikunata tarisun

•  “Tukuy ima llakipi kallpachaq Diosqa […] tukuy imaymana pruebakunapin kallpachawanchis” (2 Corintios 1:3,4).

Askha runakunaq familianña otaq munasqa amigonña wañupuran chaypas, Bibliaq willasqanmi paykunata sonqocharan. Chaymanta astawan yachanaykipaq qhaway, “¿Imatan ruwasunman llakikuyninchista pisiyachinanchispaq? Kaykunatan ruwasunman” chaymantapas “Wañupuqninkumanta llakikuqkunapaq allin yanapay”, nisqa yachachikuykunata.

Biblian niwanchis llapa ñak’ariykuna tukupunanta

•  “Gobiernoyki jamuchun. Munayniyki kay pachapi ruwakuchun imaynan janaq pachapipas ruwakun jinata” (Mateo 6:10).

“Diospa gobiernon” kamachikamuqtinqa “manan mayqellanpas: Onqosqan kani, ninqachu” (Marcos 1:14, 15; Isaías 33:24). Qhaway, ¿Iman Diospa gobiernon?, nisqa videota. Chaypin willashan Diospa gobiernonmanta, chay gobierno imakunata ruwananmantapas.

¿Munawaqchu Bibliamanta astawan yachayta? Bibliapi kaq yachachikuykunapas, chaypi kaq promesakunapas yanapasunkin qantapas familiaykitapas, chayrayku Bibliamanta astawan yachanaykipaq kallpachakuy.