Askha animalkuna plantakunan chinkapushan, ¿imaynatan Diospa gobiernon chaykunata allichanqa?

“Climaqa nishutan cambiapushan, chaymi animalkunapas plantakunapas chinkapushanku. Tukuy ladopin wayrapas nishu kallpawan wayrashan, parapas nishutan chayashan, chay jawan askha wasikunapas mana tiyanapaq jina kapushan. Lamar-qochapi unukunapas nishutan q’oñiripushan, chay jawan lamar-qochapi tiyaq animalkunapas plantakunapas chinkapushan” (Inger Andersen, secretaria general adjunta de las Naciones Unidas y directora ejecutiva del Programa de las Naciones Unidas para el Medio Ambiente, 25 de julio de 2023).

¿Llapa gobiernokuna juñukunkumanña chaypas atinkumanchu chayta allichayta?

Bibliapin willashan juj gobierno tukuy chay sasachaykunata allichananta, chayqa Diospa gobiernonmi. Chay gobiernoqa janaq pachamantan kamachimunqa, jinaspa kay pachapi llapa sasachaykunata allichanqa (Daniel 2:44). Chay gobiernoqa mundontintan kamachimunqa, chaymi runakunaqa manaña paykunapurapas ni animalkunatapas dañota ruwanqakuchu (Isaías 11:9).