¿Pin guerrakunamanta salvayta atiwasunman? | ¿Imaninmi Biblia chaymanta?

Naciones Unidas nisqa organizacionmantan kayta willakamunku:

•  7 octubremanta 23 octubrekama Gazapi, Israelpi guerraq kasqanraykun 6400 runakunaña wañupurqanku, jinaspapas 15.200 runakunan k’irisqa kashanku. Chay runakunamanta wakinqa manan chay guerrapi participaqkunamantachu karqanku. Askha runakunan wasinkuta saqespa juj ladoman ripushanku.

•  Kay 2023 watakama 24 setiembre killakaman 9701 runakuna wañurqanku Rusiawan Ucraniawan guerrapi kasqankurayku. Ucraniapiqa 17.748 runakunan k’irisqa karqanku.

¿Bibliapi kanmanchu ima suyakuypas chay guerrapi sufriqkunapaq?

Sumaq suyakuytan Biblia qowanchis

Bibliapin willashan Dios pachantinpi guerrakunata tukuchinanta (Salmos 46:9). Chaypaqmi ichaqa, juj gobiernota sayarichinqa (Daniel 2:44). Chay gobiernon thaj kausayta kay pachaman apamunqa.

¿Imatan Jesús Diospa gobiernonpi kamachikushaspa ruwanqa?

•  “Yanapay mañakuq wajchakunatan libranqa,paymi mana piniyoqtapas, pisichasqatapas libranqa. Wajchakunatan, mana piniyoqkunatan khuyapayanqa, mana imayoq runakunatan libranqa. Pisichasqa kasqankumantan, sarunchasqa kasqankumantan orqonqa” (Salmos 72:12-14).

Diosmi gobiernonwan guerrakunata, wañuchinakuykunata ima tukuchipunqa, manañan runakunaqa sufrinqakuñachu.

•  “Diosmi runakunaq ñawinmanta tukuy weqeta pichanqa, manan wañuypas kanqañachu, manañataqmi llakikuypas, waqaypas, ni nanaypas kanqañachu. Arí, ñaupaq kaqkunaqa manañan kanqachu” (Apocalipsis 21:4).

Diosqa pisi tiempollamantan kay pachaman sumaq kausayta apamunqa, ¿imaynapin chayta yachanchis? Bibliapiqa willarqanñan kay tiempokunapi imakunachus pasananta, nirqanmi guerrakuna kananmantapas (Mateo 24:6). Tukuy chaykunaq pasasqanmi rikuchiwanchis tukukuy p’unchaykunapi kausashasqanchista (2 Timoteo 3:1).