¿Pillapipas confiasunmanchu? | ¿Imatapas Biblia willashanmanchu chaymanta?

Runakunaqa manañan mayqen runapipas nitaq imapipas confiankuñachu. Askha runakunan manaña confiankuchu:

• Político runakunapi, allinninllankuta maskhasqankurayku.

• Noticiakunata willaqkunapi, llullakuspa willasqankurayku.

• Científico runakunapi, runakunaq mana allinninpaq imatapas ruwasqankurayku.

• Religionkunata umalliqkunapi, Dios serviypi yanapanankumantaqa político runakunata apoyasqankurayku.

Manan usqhaychu confiananchis runakunapipas nitaq imapipas. Bibliapin nishan:

• “Ama kamachikuqkunapipas ni pi runapipas confiaychischu, paykunaqa manan pitapas salvayta atinkumanchu”, nispa (Salmos 146:3).

¿Mayqen runapin confiawaq?

 Bibliapin willashan pi runallas confianapaq kasqanta, chay runaqa Jesucriston. Ñaupa tiempopiña kausarqan chaypas, Diosmi Jesustaqa ajllarqan gobiernonpi rey kananpaq, chay gobiernoqa manan jayk’aqpas chinkanqachu (Lucas 1:32, 33). Chay gobiernoqa ñan janaq pachamanta kamachimushanña (Mateo 6:10).

• Jesuspi astawan confianaykipaq leey “¿Pin Diospa gobiernonpi kamachikunqa?”; “¿Imatan Diospa gobiernon ruwanqa?” nisqa yachachikuykunata.