¿Ima qolqewanmi Jehová Diospa testigonkuna gastokunata paganku?

Pachantinpi Diosmanta willanaykupaq ima gastopas kaqtinqa donación churasqaykuwanmi pagakun.a Chay donaciontaqa juñunakusqayku wasipi kaq cajachakunamanmi churakun, chaymantapas internetpi jw.org paginaykupi nisqanman jinapas churakullanmantaqmi. Sapankaykun decidekusqaykuman jina donaciontaqa churayku iñiq t’aqaykupi gastokunapaq otaq pachantinpi gastokunapaq otaq iskayninpaqpas.

Manan jayk’atachus qolqeta churanakuy chaytaqa obliganakuykuchu, nitaqmi ganasqaykumantapas diezmotaqa churaykuchu (2 Corintios 9:7). Juñunakuyniykuman jamuq runakunamantapas manan qolqetaqa mañaykuchu. Umalliqniykupas manan bautizasqankumanta, pipas wañupuqtin discursota qosqankumanta, casarakuy kaqtin discursota qosqankumantapas qolqetaqa mañankuchu. Manataqmi mijunatapas imatapas vendeykuchu qolqeta juñunaykupaqqa, chaymantapas manan sorteokunata ruwaspachu, rifakunata ruwaspachu, fiestakunapi mijunakunata vendespachu qolqetaqa juñuyku, nitaqmi runakunatachu niyku qolqeta qowanankupaq. Manan qolqe churaqpa sutintapas pimanpas willaykuchu (Mateo 6:2-4). Manataqmi internetpi paginaykumanpas qolqeta gananaykupaqqa propagandakunata churaykuchu.

Sapa killan sapanka iñiq t’aqapi willakun jayk’as qolqe kashan, jayk’atas gastakuran chaytapas. Chaymantapas sapa kutillanmi imaynatas iñiq t’aqapi donación churakusqanta gastakushan, imaynas papelkunapas kashan chaykunata qhawarikun (2 Corintios 8:20, 21).

¿Imaynatan yanapakusunman?

• Cajachakunaman churaspa: Yanapakuyta munanki chayqa juñunakuna wasi kaq cajachakunamanmi qolqeta otaq cheque nisqatapas churawaq. Chay cajachakunaqa kashanmi jatun juñunakuykunata aparina wasikunapipas.

• Internetninta apachispa: Askha nacionkunapin internetninta qolqenkuwan yanapakuyta atinku “Jehová Diospa testigonkunaman donacionta apachinapaq” nisqaman jaykuspa. Donacionninkutaqa churayta atinkumanmi tarjeta de crédito o débito nisqawanpas, atillankumantaqmi transferencia bancaria nisqata ruwaytapas otaq juj formakunamanta internetninta apachiytapas.b Wakin Testigokunaqa sapa killa jayk’atachus apachiyta munanku chayman jinan donaciones automáticas nisqapi programanku (1 Corintios 16:2).

  

• Donaciones planificadas nisqata ruwaspa: Ima kaqninchiswanpas yanapakunanchispaqqa ñaupaqmantañan juj documentota ruwana, abogadowanpas yanapachikuna. Wakin nacionkunapiqa imaymana yanapaykunan kan chhayna donacionkunata churaqkunapaqqa. Chaymantapas averiguasunmanmi imaynatas seguronchiswan donacionta churasunman chayta. Jehová Diospa testigonkunaq sucursalnintan wajawaq imaynatas donacionniykita churawaq khayna formakunamanta chayta yachanaykipaq:

  • bancopi cuentaykiwan

  • seguroykiwan, jubilakusqaykiwan

  • wasiykiwan, jallp’aykiwan

  • juj empresapi churasqayki qolqewan, bonoykiwan

  • testamento ruwasqaykiwan fideicomisos nisqawan ima

Sichus astawan yachayta munanki tiyasqayki llaqtapi imayna formakunamantachus donacionniykita churawaq chayta chayqa kay paginaman jaykuy “Jehová Diospa testigonkunaman donacionta apachinapaq”.