Ezequiel

15 Jujmantan Jehová Diosqa rimapayamuwarqan, paymi niwarqan: 2 “Runaq churin, ¿imaynan kanman uvas sach’aq k’aspin juj sach’akunaq k’aspinwan otaq sach’akunaq k’allmanwan igualachisqa kaspa? 3 ¿Imallatapas ruwakunmanchu uvas sach’aq k’aspinwan? ¿Pipas warkuna takarpullatapas chay k’aspiwan ruwanmanchu? 4 Uvas sach’a k’aspiqa llant’allapaqmi allin, chaytan ninaman churakun, ninataq jawanmanta qallarispa sonqonkama ruphan. Chhayna ruphasqa kashaspa, ¿imallapaqpas servinmanraqchu? 5 Manaraq ruphasqa kashaspapas manataq imapaqpas serviqchu chayri, ¡¿imaynapin ruphasqa kashaspa imapaqpas servinman?!”, nispa.

6 “Chayraykun noqa tukuy munayniyoq Señor Jehová Diosqa nini: Imaynan sach’a-sach’a ukhupi kaq uvas sach’a k’aspita ninaman wijch’uykurqani, chhaynatan Jerusalenpi kaq runakunawanpas ruwasaq.+ 7 Paykuna contran jatarirqani. Paykunaqa ninamantan ayqekurqanku, ichaqa ninan paykunata ruphapunqa. Paykuna contra jatariqtiymi qankunaqa yachankichis noqa Jehová Dios kasqayta,+ nispa”.

8 “Jallp’atan ch’in pampaman tukuchisaq,+ paykunaqa noqa contran juchallikurqanku,+ ninmi tukuy munayniyoq Señor Jehová Dios”.