INTERNETPI QELQANCHISKUNA Watchtower
Watchtower
INTERNETPI QELQANCHISKUNA
Quechua (Cusco)
  • BIBLIA
  • QELQAKUNA
  • JUÑUNAKUYKUNA
  • Pedro jina ñaupaqllaman purisun
    Qhawaq (Estudianapaq) 2023 | Setiembre
    • 1. ¿Imanirqanmi Pedro Jesuspa ruwasqan milagrota rikuspa?

      PEDROQA tutantinmi challwasharqan, ichaqa manan juj challwallatapas jap’irqanchu. Chayllamanmi Jesús jamurqan jinaspa nirqan: “Boteta apaykuy qocha ukhukama, jinaspa chayman llikaykichista wijch’uykuychis”, nispa (Luc. 5:4). Pedroqa iskayasharqanmi, ichaqa kasukurqanmi Jesusta. Llikankuta wijch’uykuqtinku jinan askha challwata jap’irqanku, llikankupas ñan p’itikusharqanña. Chhayna jatun milagrota rikuspan Pedropas llank’aqmasinkunapas admirakurqanku. Jinan Pedroqa nirqan: “Señorníy, ayqeriy noqamanta, juchasapa runan kani”, nispa (Luc. 5:​6-9). Pedroqa mana valeq juchasapa runapaq jinan Jesuspa ñaupanpiqa qhawarikusharqan.

      2. ¿Imaraykun nisunman “Pedroq vidanmanta yachayqa yanapawasunmanmi” nispa?

      2 Pedroqa razontan nisharqan: “Juchasapa runan kani”, nispaqa. Payqa pantallaqpunin rimasqanpi ruwasqanpi ima, chaymantataq arrepientekuq. Qanpas yaqapaschá Pedro jina tarikushanki. Yaqapaschá imapipas allinyayta munashanki, chayta ruwanaykipaqtaq kallpachakushanki. Chhaynapi tarikushanki chayqa kallpachakullay. Pedroq ejemplonqa astawanmi yanapasunki kallpachakushanallaykipaq. Nimusqanchis jina, Pedroqa sapa kutinmi imaymanapi pantaq. Kaypi piensay: Jehová Diosqa manapaschá chaykunata Bibliapi qelqachinmanchu karqan. Ichaqa noqanchista yanapawananchispaqmi qelqachirqan (2 Tim. 3:​16, 17). Pedromanta allinta yachaspan reparasun imaynas payqa noqanchis jina pantaq runa karqan chayta, imaynas mayninqa may llakisqa tarikuq chaytapas. Chaymantapas reparasunmi imaynas Jehová Diosqa mana ch’uya kananchistaraqchu suyan chayta. Aswanpas payqa munan mana pisipaspa ñaupaqllaman rinanchista, imakunapichus allinyananchisraq kashan chaykunapi kallpachakunanchista iman.

  • Pedro jina ñaupaqllaman purisun
    Qhawaq (Estudianapaq) 2023 | Setiembre
    • Askha challwata rikuspa, barconpas challwaq llasasqanwan chinkaykushaqta rikuspa apóstol Pedro manchasqataq admirasqataq kashan. Jesusqa Pedrota tukuy yuyaywan uyarishan, juj runataq tukuy kallpawan aysashan challwa jap’ina llikata.

      ¿Imatan ruwawaq karqan Pedro jina Jesuspa ñaupanpi tarikuspayki? (4 parrafota qhaway).

      4. ¿Imayna runata jinan Pedro qhawarikurqan, ichaqa imaynatan Jesús payta kallpacharqan? (Lucas 5:​5-10).

      4 Bibliapiqa manan willanchu imaraykus “noqaqa juchasapa runan kani” nispa Pedro nirqan chaytaqa, manan willanchu ima juchapis piensasharqan chaytapas (leey Lucas 5:​5-10). Ichaqa ima jatun juchatapaschá ruwarqan, chaypaschá chhaynataqa nirqan. Pedroqa manchasqan kasharqan, yaqapaschá payqa qhawarikurqan mana cambiayta atiq runapaq jina. Jesusmi ichaqa allinta yacharqan Dios sonqo kay atinanta. Chaymi manchasqa kasqanta rikuspa sumaqllata Pedrota nirqan: “Amaña manchakuychu”, nispa. Chay nisqanqa maytachá Pedrotaqa kallpacharqan. Chayraykuchá Pedroqa llank’anankuta saqesparaq wayqen Andrespiwan Jesusta qatikurqanku, chay ruwasqankuqa may allinpunin karqan. Chaymantan paykunaqa sumaq bendicionkunata chaskikurqanku (Mar. 1:​16-18).

Quechua (Cuzco) Qelqakuna (2001-2026)
Wisq'ay
Jaykuy
  • Quechua (Cusco)
  • Jujman apachiy
  • Imaynatan munanki
  • Copyright © 2025 Watch Tower Bible and Tract Society of Pennsylvania
  • Imatan ruwawaq imatan mana
  • Datoskunata waqaychasqaykumanta
  • Datoskuna imayna utilizakusqanmanta
  • JW.ORG
  • Jaykuy
Jujman apachiy