Jesusmanta tukuy sonqowan willasun

Jesusmanta allin yachachiq kaymi tanqariwasun tukuy sonqowan predicanapaq. Jesucriston iñiyninchista takyachiq esquina hap’iq teqsi rumi hina (Efes. 2:20). Sichus pay mana sacrificakunmanchu karqan chayqa, manan ima suyakuypas kanmanchu karqan (Hech. 4:12). Chaymi llapa runakuna yachananku imaynatan Jesuspi Diospa munaynin hunt’akun chayta. Askha runakunan laqhayaqpi hina tarikunku mana allin yachachisqa kasqankurayku, chaymi mana Diospa bendicionninta chaskinkuchu. Cheqaq kaqta yachachiy munasqanchismi tanqariwasun Jesusmanta cheqaq kayta yachachinapaq. ¿Tukuy sonqowanchu predicasun Jesuspa wañupusqanta yuyarina killakunapi?