QALLARIYPI KAQ | ¿SERVINMANRAQCHU BIBLIA KAY TIEMPOPI?
Tukuy tiempopaq yachachikuykuna: Dominakunapaq
BIBLIAQ YACHACHISQAN. “Mana yuyayniyoqqa manchana k’araktan phiñakun, yachayniyoq runan ichaqa sonqollanpi hap’ispa thasnun” (Proverbios 29:11).
“Bibliata mana estudiaqtiyqa imachá ñoqamanta kanman karqan”
CHAYQA ALLINNINCHISPAQMI. Sichus huk listapi churasunman dominakuy imakunapichus allin kasqanta chayqa, hayk’ataraqchá churasunman. Hukninpiqa mana onqonanchispaqmi yanapawanchis. Biblia nin: “Llamp’u sonqoqa cuerpotan kawsachin”, “kusisqa sonqoqa allin hampin”, nispa (Proverbios 14:30; 17:22). Doctorkunaqa yachankun usqhaylla phiñakuqkunaqa onqoykunawan hap’ichikusqankuta, astawanqa sonqomanta onqoykunawan. ¿Imakunapin yanapawallasunmantaq dominakuq kay?
Cassiusqa 35 watanpi hinan kashan, ninmi: “Ñawpaqpiqa saltaq sonqon karqani, pitapas maqarullaqmi kani, manan valorakuqchu kani. Ichaqa Bibliata estudiaspaymi yacharqani dominakuyta, perdonaq kayta, humilde kaytawan. Mana chayqa carcelpichá kashayman karqan. Bibliata mana estudiaqtiyqa imachá ñoqamanta kanman karqan”, nispa.
Cassiusqa yacharqanmi dominakuyta perdonakuq kaytapas