Allin yuyaywan ruwanapaq
“Qhapaqqa qhapaq kayninwanmi kawsayninta qespichin, wakchatan ichaqa mana pipas manchapachinchu” (PROVERBIOS 13:8)
QHAPAQKUNAQA qolqenkuwanmi kusisqa kawsanku, ichaqa qolqeyoq kasqankuraykun peligrokunapi tarikullankutaq (2 Timoteo 3:1-5). Wakin nacionkunapiqa suwakunaqa suwanku qhapaqkunata, qhapaqpaq qhawarikuq runakunata iman.
Pobre llaqtakunamanta willaq qelqan nirqan: “Qhapaqkunawan pobrekunawanqa suwanakuspa secuestranakuspa estafanakuspa iman kawsanku. Restaurantekunatapas armasqa runakunan cuidan; qhapaqkunapas wasinkupin churachinku camarakunata, kuchukuq alambrekunata ima”, nispa. Askha nacionkunapin chayqa rikukun.
Pobrekunatan ichaqa “mana pipas manchapachinchu”. ¿Imaynatan yanapasunkiman chayta Bibliaq nisqan? Yaqapaschá tiyasqayki otaq llank’asqayki ladopi sinchi suwakuna kan, chhayna kaqtinqa ama qhapaqpas kawaq hinaqa puriychu. Suwakunaqa qhawankun imayna p’achawan churakusqaykita; cosasniykikunatapas ama alabakusparaqqa apaychu. Allin yuyayniyoqqa ima peligrotapas reparaspaqa karunchakunmi, “pisi yuyayniyoqkunan ichaqa pasallanku hinaspan k’irisqa rikukapunku”, chaytan Biblia nin (Proverbios 22:3).
Diosqa manan munanchu khuyay llakisqa purinanchista, chayraykun payqa Bibliapi qelqachirqan chhayna yachachikuykunata. Bibliaq nisqan hina yachayniyoq kayqa runatan allinta kawsachin (Eclesiastés 7:12). Arí, Bibliapi yachachikuykunaqa cuidawanchismi.