Jesús Huañushcata Yaringapaj alistaripashunchi

Jesusca paipa ali amigocunahuanga último tutatami tandanajui ushana carca. Shinallata último Pascuatami paicunahuan caita ushana carca. Chaimandami huata 33, 13 de nisán punllataca Pascuata yarishca jipa pai huañushcata yarichun shuj tandanajuita callarichigrijurca. Chai tandanajuipa tucuita uchalla seguragrichunmi Pedrota Juandapash cacharca (Luc. 22:7-13). Cunanbipash Jesusta catijcunaca Jesús Huañushcata Yaringapaca aliguta uchallami segurana canchi (Luc. 22:19). Shinaca viernes 3 de abrilta Jesús Huañushcata Yaringapaj imashina prepararinata ricupashun.

Ancianocunaca ¿imatata rurana can?

Tandanajui Huasipi o shuj localpi tandanajunatami ricuna can. Maipi tandanajushpapash tucuicunapa sillacuna tiachun, punchalla cachunmi ricuna can. Chai punllapa Tandanajui Huasita cashpa o localta cashpapash uchalla aliguta limpiangapami arreglota rurana can.
Ali yachachij huauquitami discursota cuchun agllana can. Shinallata tandanajuita callarichichun, tandamanda, vinomanda oracionda rurachunmi huauquicunata agllana can.
Chai pushtupillata ashtahuan tandanajui tiana cajpica, gentecuna pungupi ama mundunarinajuchumi ima horas callarinata aliguta ricuna can. Carrocunapash ama trancarinajuchunmi ali arreglota rurana can.
Picuna acomodador canata, picuna tandata, vinota yalichinatapashmi ricuna can.
Shuj mesa, mesapi mandana tela, tanda, vino, platocuna, copacunapash listo cachunmi ricuna can.

Publicadorcunaca ¿imatata rurana can?

Ashtaca gentecunaman invitaciongunata saquingapami arreglocunata rurana can.
Bibliamanda yachajujcunaman, escuelapi o trabajopi cumbacunaman, familiacunaman, rijsicunamanbash invitacionda saquinata ama cungangapami shuj listata rurana can.
Jesús Huañushcata Yarina punllapa liina textocunata liishpami liishcapi pensarina can.
Chai tandanajuiman shamujcunataca aligutami chasquina can.