“Andamos por fe, no por vista”

Jerusalén llacta nara llaquichi tucujpimi, apóstol Pabloca Jesusta catijcunamanga escribirca, Jesuspa alipacha soldadocuna cuendami llaquicuna tianata shuyana canguichi. Shinallata, cai pachapi charishcacunata, munashcacunata ladoman saquishpami catina canguichi nishpa (2 Tim. 2:3, 4). Jehová Diosca cai mundopa nali ruraicunataca ñallami tucuchinga. Chaimandami, espiritualmente ali catingapaca feta minishtinchi (2 Cor. 4:18; 5:7). “Andamos por fe, no por vista” videota ricupangui (jw.org, PUBLICACIONES > DOCUMENTALES Y PELÍCULAS nishcapi mascapangui). Nadab y Débora ashtahuan charijyangapaj munaimanda ima llaquipi urmashcata ricupangui. Cai tapuicunata contestapangui.

1) ‘Ninanda millanayachi tucushcami Diospa huasi ucupi’ carca nishpaca ¿imatata apostolcunapa punllacunapica ningapaj munarca? Jerusalenmanda Jesusta catijcunaca ¿imatata rurana carca? (Mat. 24:15, 16.) 2) Jerusalenmanda llujshingapaca ¿imamandata feta charina minishtirca? 3) ¿Imacunatallata saquina tucurca? 4) ¿Imamandata Nadabpash, Deborapash Jerusalenmandaca na uchalla llujshirca? (Mat. 24:17, 18.) 5)  ¿Imamandata Raquelpaca Jerusalenmanda llujshinaca shinlli ricurirca? (Mat. 10:34-37; Mar. 10:29, 30.) 6) Jafet runaguca ¿imashinata feta charishcata, Jehovapi confiashcata ricuchirca? 7) Pela llactapi cashpaca ¿ima llaquicunatata Jesusta catijcunaca chimbapurarca? 8) ¿Imamandata Nadabpa, Deborapa feca chiriyarca? 9) Jesusta catijcuna Pela llactapi causanajujpica ¿imashinata Jehová Diosca paicunataca cuidarca? (Mat. 6:33; 1 Tim. 6:6-8.) 10) Tucuri punlla ña chayamujujta yachashpaca ¿imashinata Abrahanba, Sarapa ejemplota cati ushanchi? (Heb. 11:8-10.) 11) ¿Imamandata Nadabpash Deborapash Jerusalenman tigrarca? ¿Imamandata paicunallata pandarijushcataca na cuenta japirca? (Luc. 21:21.) 12) Nadabpash Deborapash Jerusalenman tigrajpica ¿imashinata gentecunaca causanajurca? 13) ¿Imamandata Tucuri Punlla nara chayamujpillata ñucanchi feta shinlliyachina canchi? (Luc. 17:31, 32; 21:34-36).

¿Imashinata feta charishcata ricuchinchi? 1) Jehovapi confiashpa, 2) Jehovapa mandashcacunata cazushpa, 3) charijyanata munanapa randica, espiritual cosascunata pundapi churashpa. Ñucanchicunapash feta charishpa, Jehovapa munaita rurashpami ñaupaman catina canchi. 1 Juan 2:17​pica ninmi: “Cai pachaca, tucui imapash nali munaicunandimi tucurijun. Ashtahuangarin Taita Dios munashcata rurajcunaca, causaitami causanga” nishpa.