Jehová Diospa nishcacunapica ¿tucui shunguhuanllu confiapangui?

Josuepash Salomonbash paicunapa tucuilla causaipimi, Jehová Diospa nishcacuna tucuilla pactarijta ricurca (Jos. 23:14; 1 Rey. 8:56). Paicuna imata nishcata liishpami, ñucanchicunaca ashtahuan shinlli feta charinchi (2 Cor. 13:1; Tito 1:2).

Jehová Dios paipa nishcacunata Josuepa punllacunapi imashina pactachishcata yachangapaca, Ni una sola palabra ha fallado nishca videota quiquinba familiahuan ricupangui. Chai videota ricushca jipaca, cai tapuicunata contestapanguichi: 1) ¿Imashinata Rahab shuti huarmigushna shinlli feta chari ushapanchi? (Heb. 11:31; Sant. 2:24-26). 2) Paicunapa munai na cazujcunaca ¿imashinata Acán shuti runashna llaqui apan? 3) ¿Imamandata Gabaón llactamanda gentecunaca ali macanajunata yachashpapash, Josueta umachishpa israelitacunahuan ali tucungapaj munarca? 4) Amorreocunapa 5 reycuna israelitacunata llaquichingapaj munajpica ¿imashinata Jehová Diospa shimicunaca pactarirca? (Jos. 10:5-14). 5) Taita Diospa Reinota pundapi churashcamandaca ¿imashinata Jehová Diosca quiquinda ayudashca? (Mat. 6:33).

Jehová Dios imata rurashcata, imata rurajujta, imata ruranata pensarishpami paipa nishcacuna pactarinataca tucui shunguhuan crinchi (Rom. 8:31, 32).