Santocunata adoranamandaca | Bibliapica ¿imatata nin?

Servicio de Noticias Católica nishcashnaca 25 de marzo de 2022​tami, Basílica de San Pedropi misa tiashcapica Papa Franciscoca virgen Mariapa rurashcapa ñaupapimi ñavitaca urai cumurishpa mañajushca nin. Papa Franciscoca virgen Mariataca tranquilo ali causaigu tiachun nishpami mañajurca. Noticias de Vaticano nishca noticiapica “Papa Franciscoca Inmaculado Corazón de María nishcataca Rusiamanda y Ucraniamandami mañajushca” ninmi.

Quiquinga ¿imata yuyapangui? Santocunata mañana o adoranaca ¿alicha canga? Bibliapa versocunapi ima nijta ricupai:

• Éxodo 20:4, 5​pica cashnami nin: “Imaman rijchajcunatapash ama ruranguichu. Jahua pachapi, cai pachapi, alpa ucupi, alpa ucu yacupi tiajcunaman rijchajtapash, ama ruranguichu. Chaicunataca ama cunguringuichu, alicachitallapash ama alicachinguichu. Ñucami, canda Mandaj Jehová Dios cani. Ñucaca, ninan ushaita charij, ñucapajlla cachun munaj Diosmi cani”.a

• Salmo 115:4​manda 8​camanga cashnami nin: “Paicunapaj yanga dioscunaca orota, culquita, runacunapaj maquihuan rurashcacunami. Shimita charishpapash, na parlanajunllu. Ñavita charishpapash, na ricunajunllu. Rinrita charishpapash, na uyanajunllu. Singata charishpapash, na mutiquinajunllu. Maquita charishpapash, na tacarinajunllu. Chaquita charishpapash, na purinajunllu. Cungata charishpapash, na rimanajunllu. Chai dioscunata rurajcunaca, paicunaman rijchajcunami. Pipash chai dioscunata yariashpa causajpash, chaicunashnallatami”.

• Isaías 42:8 (Traducción del Nuevo Mundo) Bibliapica cashnami nin: “Ñucaca Jehovami cani. Chaimi ñucapa shutica ñucatashna pitapash adorachunga na munanichu. Maquihuan rurashca santocunatapash ñucatashna alabachunga na saquishachu”.

• 1 Corintios 10:14 “Santocunataca na adoranachu capanguichi”.

• 1 Juan 5:21​pica cashnami nin: “Santocunataca rechazanami capanguichi”.

Santocunata utilizashpa Taita Diosta adorana cashcata o na adorana cashcata Bibliapi ima nijta ashtahuan yachangapaj munashpaca “El punto de vista bíblico: Las imágenes” nishca tematami ricuita ushapangui. Shinallata ¿Santocunata utilizashpachu Taita Diosca paita adorachun munan? nishca videotapashmi ricuita ushapangui.

Bibliapi cai temacunamanda imata ashtahuan yachachijta ricupai:

• “¿Qué dice la Biblia sobre la virgen María?”

• “¿Debería usted rezarle a la virgen María?”

• “¿Son señales de Dios los milagros y apariciones?”

• “Cai alpapi casilla ali causaiguca ¿imashinata tianga?”

Photo credit: Vincenzo Pinto/AFP via Getty Images