Turquía y Siria llactacunapi jatun terremotocuna | Bibliapica ¿imatata nin?

Lunes 6 de febrero de 2023 punllapica Turquía y Siria llactacunapimi jatun shinlli terremotocuna tiarca.

• “Lunes punllapimi Turquía y Siria llactapa shuj pushtupi shinlli terremotocuna tiaimandami 3 mil 700 yali gentecunaca huañushca. Ashtahuanbash nieve tiempo cashcamandami cai terremotocunapi chugrishca o huasi illa quidashca gentecunapaca dificilpacha cashca. Shinallata nieve tiempopi cashcamandami cai terremotocunapi salvarishca gentecunata taringapaca ashtahuan dificilmi cashca” (Reuters, 6 de febrero de 2023).

Cashna llaquicuna tiashcata liishpaca ninandami llaquiripanchi. Cashna llaquicuna tiajpica Jehováa Diospa ayudatami mascaita ushapanchi. Paica “tucuipi cushichij Taita Diosmi” can (2 Corintios 1:3). Shinaca ‘Taita Diosca pai escribichishca shimihuanmi, ñucanchitaca shinlli tucuchun y aguantachun ayudan’ (Romanos 15:4).

Bibliapica caicunatami yachajuita ushapanchi:

• Punda tiempocunapillatami terremotocuna tiana cashcataca villashca.

• Cutin alilla sintiringapaj y shuj esperanzata charingapaj maipi ayudata tari ushashcatami villan.

• Llaquicunata tucuchingapaj Taita Dios imata ruranatami villan.

Caicunamanda Bibliapi ima nijta yachangapaj munashpaca cai temacunatami liita ushapangui:

• “Bibliapica fuerte terremotocuna tianamandami villan”.

• “Cushilla ali causaigutaca ¿maipita tarita ushapanchi?”.

• “Taita Diosca ñallami llaquicunata tucuchinga”.