¿Taita Dios destinajpichu causapanchi o decidingapaj librechu capanchi?
Bibliapica caitami yachachin
Taita Diosca ñucanchicunata respetohuan tratashpami, ñucanchitaca libremente decidichun saquishca. Ni destinopash na tianllu, ni Taita Diospash na ñucanchi causaitaca controlajunllu. Destinomanda Biblia imata nijta ricupashun:
Taita Diosmi gentecunataca paiman parecidota rurarca (Génesis 1:26). Animalcunaca, yangata rurana cashcamandallami imatapash ruran. Pero gentecunaca, ñucanchita ruraj Taita Diosman parecidomi capanchi. ¿Imacunapita Taita Diosman parecido capanchi? Taita Dioshnallata juyaita, alita ruraita ushaimandami Taita Diosman parecido capanchi. Ashtahuangarin, Taita Dioshnallatami, imata decidingapapash libre capanchi.
Ñucanchillatami jipa punllacunaman imashina causanataca decidi ushapanchi. Taita Diosca ñucanchitaca ‘cangunata Mandaj Taita Dios rimashca shimicunata uyashpa’, “causaita agllaichiyari” nin (Deuteronomio 30:19, 20). Si ñucanchicuna na decidi ushana cajpica, yangami Taita Diosca ‘causaita agllaichiyari’ nijunman. Ashtahuangarin, malo caimandami shina nij tucujujman. Taita Diosca paita cazuchun obligangapaca na munanllu. Chaipa randica, juyaihuanmi nin, “ñuca mandashcacunata canguna cazushca cajpica, jatun yacushnamari casilla aliguta causanaca, na tucurinman carca” nin (Isaías 48:18).
Huaquingunaca, cada unomi destinota charinchi, ña destinashca caimandami ali causanchi o llaquicunata charinchi nin. Pero imapash ali llujshichun munashpaca, cada unomi esforzarina capanchi. Bibliapica “tucui imata rurana cambaj maquiman shamujpipash, chaitaca cambaj ushai tianshnallata rurailla” ninmi (Eclesiastés 9:10). Shinallata ninmi: ‘Imatapash ucha rurajcunaca ashtacatapachami charinga’ nishpa (Proverbios 21:5).
Ñucanchillata decidichun saquishpaca, Taita Diosca shuj regalotami ñucanchimanga carajun. Libremente decidi ushashcamandami ‘Taita Diostaca tucui shunguhuan’ o juyana munaimandami juyapanchi (Mateo 22:37).
¿Nachu Taita Dios tucuita controlanata yachan?
Bibliapica, Taita Diosca Tucui Poderta Charij Taita Diosmi can ninmi. Taita Diosllami paipa poderta controlaitaca ushan (Job 37:23; Isaías 40:26). Aunque Tucui Poderta Charij Taita Dios cashpapash, paipa poderta utilizashpa tucuita controlajuj Taita Diosca na canllu. Por ejemplo, Taita Diospa llactapa contra Babilonia llactamanda parlashpaca, Bibliapica Taita Diosca nircami: ‘Imatapash na ricujunshna, na uyajunshnami casilla tiajurcani’ nishpa (Isaías 42:14). Shinallata huaquin gentecunaca, nalita ruranatami decidishca. Shinapash Taita Diosca paicunata aguantanatami decidishca. Pero Taita Diosca, na para siemprechu aguantajungalla. Chaita yachashpaca cushijupanchimi (Salmo 37:10, 11).