¿Testigo de Jehovacunaca cai peliculacuna, musicacuna o librocunami prohibido can nishpachu shuj listapi anotashca charinajun?
Na. Ñucanchi organizacionga maijan peliculacuna, musicacuna, librocuna ali cashcata ricungapaca na chaicunata ricunajunllu, ni liinajunllu. ¿Imamandata na shina ruran?
Bibliapica tucuicunami ima ali cajta ima nali cajta diferencianata ashtahuan yachajushpa catina canguichi ninmi (Hebreos 5:14).
Bibliapica aliguta ricushpa ali diversiongunata agllachunmi ali consejocunata cun.a Ñucanchi causaipica tucui ruraicunapimi Bibliapi nishcashna ‘Taita Diospa ñaupapi ima ali cajta, ima nali cajta siempre yaipi cangapami munapanchi’ (Efesios 5:10, Traducción del Nuevo Mundo [TNM]).
Taita Diosca jaricunamanmi paipa familiata ñaupaman pushana huaquin autoridadta cusha. Chaimi familia ucupi imata prohibido cajta o na prohibido cajtaca paicuna decidina can (1 Corintios 11:3; Efesios 6:1-4). Pero congregacionbica, maijan peliculacuna, maijan musicacuna o maijan artistacuna nalicuna cashcata nijungapaca nipi na autoridadta charinllu. Shinallata paipa pensamientocunata shujcunaman a la fuerza intindichingapapash nipi na atichijunachu can (Gálatas 6:5).
a Bibliapica brujeriacunata rurana, huainayana juchapi urmana y yahuarsapata macanajunaca nalimi can ninmi. Chai cosascunata ricuchij o yachachij cosascuna si na alichu can (Deuteronomio 18:10-13; Efesios 5:3; Colosenses 3:8).