JOVENGUNAPA TAPUICUNA
Ñuca churajushca ropata ricushpaca ¿imatashi gentecunaca ninga?
Maijan ropata churajunata agllanaca ¿importantechu can? Ari, porque según maijan ropata churajushcata ricushpami gentecunaca alita o nalita quiquinmandaca nin. Shinaca ¿imatashi canmandaca ninman?
A la moda canamanda quimsa errorcuna. ¿Imashinata chaicunamandaca alejarita ushangui?
Error # 1: Propagandacunapi, cartelcunapi imata nijta catishpa vistirina.
Theresaca ninmi: “Ashtaca propagandacunata, cartelcunata ricushpami jipamanga ricujushpallata gushtangui. Shuj shuj gentecuna chai forma ropacunahuanlla vistirishpa propagandacunapi seguido llujshijpica, ñucapashmi shinallata vistiringapaj munani” nin.
Propagandacunaca na solo joven chiquillacunatallachu afectan. Sino jaricunatapashmi afectan. The Everything Guide to Raising Adolescent Boys libropica ninmi: “Jari jovengunapashmi modacunataca catin [...]. Jovengunataca huahuamandapachami propagandacunahuan convincingapaj munan”.
¿Imata ashtahuan mejor can? Bibliapica ninmi: “Na yachajushca runaca, imata nijpipash tucuita crinllami”. Pero “ali yachajushca runaca, imata rurangapajpash aliguta yarinrami” (Proverbios 14:15). Shinaca cai propagandaca ¿imatata ningapaj munahuan? nishpami pensarina cangui. Por ejemplo, ajustado ajustado ropacunata ricuchij propagandacunata ricushpaca pensaripai:
“Cai modata catijpica ¿pita beneficiaringa?”
“Cai ropata churajujpica ¿ñuca imashina can yangashi?”
“¿Ciertopacha ñuca imashina cajta, ñuca imata crijtachu ricuchinga?”
Consejo. Ropacunata ricuchij propagandacunata shuj semana enterota ricushpa pensaripari ¿imashina persona cachunda cai ropataca jatunajun? ¿Na sintirijta cai modata catichunllu munanajun?” nishpa. Kerenga ninmi: “Tucuicunami ali ricuringapaj, ali vistiringapaj y ali cuerpota charingapaj munan. Jovenguna shina cajtaca, propagandacunata rurajcunaca alimi yachan” ninmi.
Error # 2: Shujcunahuan ali quidangapalla a la moda caj ropata agllana.
Manuelca ninmi: “Shuj ropa a la moda cajpica tucuicunami chai ropata churajun. Na a la moda cajpica rimanllami” nin. Anapash ninmi: “Jovengunapaca a la moda cana y shuj jovengunapa ricuipi ali ricurinapash importantemi can” ninmi.
¿Imata ashtahuan mejor can? Bibliapica ninmi: “Na cai pachapajtalla rurashpa cushijushpa causanachu canguichi” (Romanos 12:2). Cai textopi nishca shinaca quiquinba armariopi ropata ricushpa pensaripai:
“Ima clase ropata churajunata agllajushpaca ¿imapita pensaripani?”
“¿Ñucapaca ropa de marcata churajunaca importantechu can?”
“¿Ñuca churajushca ropahuanllu shujcunapa ñaupapi ali quidangapaj munani?”
Consejo. A la moda canapi o na a la moda canapilla pensarinapa randica quiquin imashina cashcapimi pensarina capangui. Quiquinhuan ali sintirishpaca, shujcuna canmanda imata pensajtaca na preocuparinguichu.
Error # 3: Ashtahuan ajustado ropata churashpaca ashtahuan alimi ricurisha.
Jenniferca ninmi: “Huaquinbica ajustadolla, uchilla ropatami churajunayan”.
¿Imata ashtahuan mejor can? Bibliapica ninmi: ‘Canguna alicachirishpapash, ama jahualla aligu ricurijuchun. Ashtahuangarin cangunapa shungu ucupimi, na huaglita yarina’ canguichi (1 Pedro 3:3, 4). Cai textopi nishca shinaca pensaripai, ¿imata ashtahuan mejor can, shujcunapa ñaupapi ali ricuringapaj ali vistirina o ali persona cana?
Consejo. Humilde canami ashtahuan importante can. Cunanbica humilde canaca na importantechu can. Pero pensaripai:
¿Ima horapash pai cashcamandalla parlajuj personahuan parlashcanguichu? Shina rurajcunaca, shuj gentecunataca paicunamanda alejanajunmi.
Imashinami ñucanchimandalla parlashpaca shujcunata ñucanchimanda alejanchi shinallatami ropapash can.
Ajustado ajustado ropata churajushpaca “ricuhuai” nijuj cuendami can. Ashtahuangarin, na seguro sintirijuj cuenda o cridoyashca cuendami canguiman. Shinallata, shujcuna ricuchun desesperado caj cuendami canguiman.
Canmanda pandacunata pensachijunapa randica humildemi cana cangui. Monicaca ninmi: “Sencilloguta vistirina nishpaca ña mayor mamagucunashna vistirinataca na nijunllu. Sencilloguta vistirishpaca canllata y shujcunatapash respetashcatami ricuchijungui” nin.