Parte 13pa callari shimicuna
Jesusca juchayu gentecunamandami paipa causaita cungapaj cai alpaman shamurca. Pai huañushpapash cai mundota mishashcatami Jesusca ricuchirca. Huañuna punlla chayangacamanmi Jesusca humilde shunguhuan shujcunata ayudarca. Pandarijpipash gentecunataca perdonarcami. Jehová Diosca paipa Churi Jesustaca nunca na saquircachu. Chaimandami huañujpipash causachirca. Causarishca jipallami Jesusca paipa catijcunaman ricurishpa pai mingashcata imashina pactachina cashcata yachachirca. Quiquinguna huahuacunata charishpaca paicunata ayudapaichi, cunan punllacunapipash villachinaca shuj jatun bendición cashcatapash intindichipaichi.