Ashtahuan aliguta villachishunchi: shuj shimita parlaj gentecunaman villachishunchi

¿Imamandata minishtirishca can? Jehová Diosca ‘maijan llactamanda cashpapash’ tucui gentecuna ali villaicunata uyachunmi munan (Hech. 10:34, 35). Jesusca nircami, ali villaicunataca ‘tucui llactacunapi causajcuna yachachunmi villanajunga’ nishpa (Mat. 24:14). Profeta Zacariaspash nircami ‘shuj llactacunamanda shuj shuj shimita rimajcunami’ ali villaicunataca uyanga nishpa (Zac. 8:23). Apóstol Juanbash shuj muscuipi cuenda ricushpami nirca ‘tucui llactacunamanda, aillupuracunamanda, shuj shuj shimita parlajcunamanda’ gentecuna salvarijtami ricurcani nishpa (Apoc. 7:9, 13, 14). Shinaca, ñucanchi territoriopi shuj shuj shimita parlaj gentecunahuan tuparishpaca paicunamanbash ali villaicunata villachingapami esforzarina canchi.