JESUSPA CHAQUITA CATISHPA CAUSASHUNCHI
Shuj shuj shimita parlajcunaman villachipashunchi
Gentecunaman paipa propio shimipi Diospa Reinomanda villachijpica uyangapaj munangami. Chaimi huata 33 Pentecostés punllapica “tucui llactacunamanda” judiocunapa “viñashca shimicunapi” villachichun Jehová Diosca Jesusta catijcunamanga paipa espiritu santota cushcanga. Chai judiocunaca hebreo o griego shimitami parlan cashcanga (Hch 2:5, 8). Cunanbipash shuj shuj shimicunapi congregaciongunami tian. Chai congregaciongunaca chai pushtucunapillatami villachin. Shinaca shuj shimita parlajcunaman villachingapaca ¿imatata rurana capanchi?
Parlarina (Pr 15:22): Tucui gentecunaman Diospa Reinomanda villachingapaca superintendente de servicio huauqui ancianocunaca paicunapurami parlarina can. Shuj shimita parlaj huaquin congregaciongunaca chai shimita parlaj gentecunaman shuj congregacionguna villachichunga na saquinmanllu. Cutin huaquin congregaciongunaca ashtaca villachina pushtucunatami charin. Chaimi shuj congregacionguna chai pushtucunapi villachichun saquin. Shinapash shuj shimita parlaj gentecuna Bibliamanda yachajungapaj munajpica chai shimita parlaj congregacionmanda ancianocunamanmi villana can (od-S pág. 93 párr. 37). Ashtahuanbash shuj shimita parlaj gentecunahuan tuparishpaca chai shimita parlaj congregaciongunamanmi villana capanchi. Shina rurajpimi chai congregaciongunaca chai gentecunaman villachita ushanga. Ama cungapashunchichu, huaquin familiacunapica shuj shuj shimitami parlai ushanman. Shinapash chai llactapi gentecuna maipi causajta, ima shuti cajta na anotachun leycuna tiajpica chai leycunata cazunami capanchi.
Ayudarina (Ef 4:16): Superintendente de servicio huauqui imagutapash mandajpica, cazunami capanchi. Shinaca shuj shimita parlaj gentecunaman Bibliamanda yachachijushpaca ¿imatata rurana capanchi? Paicuna espiritualmente ñaupaman catichunga paicunapa propio shimipi yachajushpa catichunmi chai shimita parlaj congregacionmanda ancianoman villana capanchi.
Villachingapaj prepararina (Pr 15:28; 16:1): Villachijushpa shuj shimita parlaj gentecunata tarishpaca, paipa propio shimipi villachingapaj esforzaripangui. Shinaca shuj shimita parlaj gentecunaman villachingapaca quiquin villachishca pushtucunapi maijan shimicunata parlajtami yachana capangui. Chaita yachashpami celularpi o tabletpi paicunapa propio shimipi llujshishca Bibliata o videocunata descargai ushapangui. Shinallata shuj shuj shimicunapi saludanata yachajungapami JW Language nishca aplicacionda utilizai ushapangui.