Grupo de predicacionba alipacha yuyaicuna

Jehová Diosca grupo de predicación tandanajuicunatami ñucanchimanga cushca. Chaicunapimi huauquipanicunahuanga randimanda animarishpa Jehová Diostaca sirvinchi (Heb 10:24, 25). Grupo de predicacionda llujchij huauquimi maijan territorioman rinata, huauquipanicuna picunahuan llujshinata ricuna can. Y nara llujshishpallatami shuj mañaita rurana can. Shinaca grupo de predicación callari horasmanda tucuringacamanga solo 5 o 7 minutocunatallami parana can. Shinallata reunión jipa grupo de predicación tiajpicarin menostami parana can. Grupo de predicacionda llujchij huauquica, huauquipanicuna aliguta predicachunmi asha informacionda compartina can. Por ejemplo, sabadocunataca ashtahuan huauquipanicunami villachingapaj llujshin. Chaimandami imashina villachinatalla ricuchishpa predicangapaj llujshinalla can. Shinaca grupota llujchij huauquicunaca ¿imacunamandallata ashtahuan parlaita ushan?

• Tandanajuipi Yachajungapaj hojapi llujshishca villachingapaj yuyaicuna nishcata ricupangui.

• Quiquin causajuj pushtupi chairalla llujshishca noticiamanda o imapash pasashcamanda parlapangui.

• Quiquin causajuj pushtupi ama villachichun imapash jarcaicunata churajpi imashina chai jarcaicunata mishanata parlapangui.

• Taita Diospi na crij gentecunata o ateocunata, evolucionbi crijcunata, shuj idiomata parlaj gentecunata o quiquin na rijsishca religionda catij gentecunata imashina villachinata parlapangui.

• JW Library aplicacionda, jw.org paginata, o Bibliata imashinata utilizanata ricuchipangui.

• Yachachingapaj publicacionguna nishca partepi tiashca publicaciongunata imashina utilizanata ricuchipangui.

• Telefonota utilizashpa villachinata, cartacunata escribishpa villachinata, predicación publicapi imashina villachinata, revisitacunata o estudiocunata imashina villachinata parlapangui.

• Seguridadmanda, ali portarinamanda, gentecunata respetohuan parlanamanda, gentegucuna munashca temacunamanda parlanamandapash parlapangui.

• Ashtahuan aliguta liipangui yachachipangui nishca folletomanda shuj leccionda o shuj videomanda parlapangui.

• Villachinaman llujshishca huauquita o panita imashina animanata o ayudanata ricuchipangui.

• Ali villachingapaj Bibliapa shuj textomanda o shuj experienciamanda parlapangui.