Ñuca churipi ñana confiaita ushashpaca ¿imatata rurana capani?

Huaquin jovengunaca taitamamacuna imata mandashcataca na cazunllu. Por ejemplo, ima hora tigramui nishca horaspica na tigranllu. Na cashpaca amigocunahuanmi pacalla rin o llullashpa rin. Shina pasajujpi, ñana quiquinba churi confiai ushashpaca ¿imatata rurai ushapangui?

• ¿Ñuca churica nimamandachu na cazungapaj munan?

• Ñuca churipi ñana confiaita ushashpaca ¿imatata rurai ushani?

• ¿Pita culpata charin?

• Ñuca churita ayudangapaca ¿imatata rurai ushani?

• ¿Imatata huaquin taitamamacunaca nin?

¿Ñuca churica nimamandachu na cazungapaj munan?

Talvez na shinachu canga. Bibliapica ‘chairalla viñai huambrapa shunguca, shinllimi’ can ninmi (Proverbios 22:15). Laurence Steinberg shuti profesor de psicologiaca ninmi: “Huaquin jovengunaca pensaitapash na pensashpallata o na aliguta pensarishpami imatapash decidinata yachan. Siempremi imapipash pandarinata yachan” ninmi.a

Ñuca churipi ñana confiaita ushashpaca ¿imatata rurai ushani?

Ñuca churica nimamanda na cazungapaj munanllu nishpaca, na pensanachu capangui. Huaquin investigacionguna nishcashnaca, jovengunaca taitamamacuna paicunamanda nalicunata pensachunga na munanllu. Huaquin churicunaca, aunque nimata na nishpapash paicunapa shungupica, paicunamandallatami nali sintirinajun. Taitamamata pingaichingapapash na munanllu.b

¿Pita culpata charin?

• ¿Talvez cumbacunachu culpata charin? Bibliapica, “nali gentecunahuan llevarishpaca alita ruranajushcatapashmi cunganguichi” ninmi (1 Corintios 15:33). Amigocunaca ashtacatami jovengunataca afectan. Redes socialescunapash ashtacatami afectan. Shinallata, experienciata na charimandami huaquin jovengunaca nali decisiongunata ruran. Nali decisiongunata ruraimanda llaqui consecuenciacunata charishpaca, chai consecuenciacunata aceptashpami responsablecuna canata yachajuna can. Shinami ña ashaguta mayorlla tucushpaca, responsablecuna caita ushanga.

• ¿Ñucachu imatapash nalita rurarcani? Huaquin taitamamacunaca, ñuca yapa estricto cajpimi, ñuca churica na cazungapaj munarianga yanmi. Cutin huaquinbica, maimanbash richun o imatapash rurachunmi saquinlla carcani yanmi. Shinacunata cutin cutin pensarijunapa randica, cunanmanda ñaupaman quiquinba churita imashina ayudai ushashcatami pensarina capangui.

Ñuca churita ayudangapaca ¿imatata rurai ushani?

• Controlarinami capangui. Quiquinba churica, ñuca taitaca ñucahuan culirangami yajungami. Chaimi aliguman parlashpa paitaca imamandata shina portarishcata tapuchina capangui. Curiosidadmanda, aburririshca caimanda o sololla sintirishpa amigocunata minishtimandachari shina portarirca. Chaitaca yachanami capangui. Nalita rurangapaca, na imapash pretextocuna tianllu. Pero imamanda shina portarishcata parlashpami, quiquinba churi imamanda shina portarishcata yachapangui y quiquinba churipash imamanda nali portarishcata intindi ushanga.

  Bibliapica ninmi: “Uyangapaca listomi cana capanguichi. Uyangapaj listo cashpapash na ñapash imatapash ninajunachu capanguichi, ni ñapash culirajllapash na canachu capanguichi” (Santiago 1:19).

• Aligutami pensachina capangui. Chaipaca, chashna pasashcamandaca ¿imatata yachajurcangui? Cutinbi shina pasajpica ¿imata diferenteta ruranguiman? nishpami tapuita ushapangui. Shinami quiquinba churica, aliguta pensarinata y ali decisiongunata agllanatapash yachajunga.

  Bibliapica ninmi: “Pacienciahuan y aliguta yachachishpami imata nali ruranajushcata ricuchina cangui, corregina cangui y consejana cangui” (2 Timoteo 4:2).

• Ima rurashpapash siempre consecuenciacuna tiajtami intindichina capangui. Imata na rurana cashcata ashtahuan facillla intindichunga, de castigoca chai rurashca cosashuanllatami shuj prohibicionda churana capangui. Por ejemplo. Na permisota cujpita carrota japishcajpica, shuj tiempota carrota na manejana castigotami cui ushapangui.

  Bibliapica ninmi: “Imata tarpushpapash chaitallatami cozechashun” (Gálatas 6:7).

• Shuj oportunidadta cunami capangui. Tiempohuan quiquin cutin paipi confiai ushanataca quiquinba churica seguromi cana can. Aunque na ñapash paipi confiai ushana cashpapash, jipacunaman paipi quiquin cutin confianataca alimi yachana can. Si es que quiquin nunca más ñana paipi confiai ushanata sintishpaca talvez ñana paica esforzaringapaj munangachu.

  Bibliapica ninmi: “Quiquingunapa huahuacuna ama llaquirichunga, na yangamanda culirachijunachu capanguichi” (Colosenses 3:21).