Huahuacuna y celularcuna | Primera parte: ¿Ñuca huahuamanga shuj celularta cunachu cani?

Cunanbica ashtaca huahuacunami paicunapa propio celulartaa charin. Ashtacacunaca paicunalla cashpami Internetman yaicunata yachan. Pero ¿imamandata celularta charinaca ali can? Huahuacunapaca ¿celularta charinaca peligroso? ¿Celularpi cachunga shuj tiempota churanachu canchi?

• ¿Imatata yachana capangui?

• ¿Imatata tapurina capangui?

• Ñucaca ¿listochu cani?

¿Imatata yachana capangui?

Celularta charinaca ¿imamandata ali can?

• Huahuacuna seguro cachun y taitamamacuna tranquilo sintirichunmi ayudan. Bethany shuti huarmiguca ishcai joven huahuacunatami charin. Paica ninmi: “Cai mundoca peligrosopachami can. Huahuacunaca ima ratopipash taitamamacunahuan celularpi comunicarinallami can. Chaica importantemi can”.

  Catherine shuti huarmigucarin ninmi: “Telefonopi huaquin aplicaciongunata descargashpaca, huahuacunapa telefonoman conectarishpami paicuna maipi cajta, carropi ima velocidadhuan manejashpa rinajujtapash yachaita usharinlla”.

• Escuelapi debercunata rurachunmi ayudan. Marie shuti huarmiguca ninmi: “Profesorcunaca correo electronicopi o mensajes de textopimi debercunataca cachanata yachan. Telefonocunata charishpami huahuacunaca profesorcuna ima debercunata cachajta yachai ushan”.

¿Ima peligrocunata tian?

• Ashtaca tiempotami celularpilla yalin. Ashtaca jovengunaca celularta ricushpallami yalin. Taitamamacunapash lo mismomi ruran. Huahuacunahuan parlanapa randica, celulartallami ricunajun. Shuj investigadorca ninmi: “Huaquin familiacunaca celularcunata ricunajuimandami ajeno cuenda causan”.b

• Pornografía. Shuj investigacionda rurashpaca ninmi, ashtaca ashtaca jovengunami cada quilla pornografiata ricungapaj mascan. Celularcunapica facilmi pornografiataca ricunalla can. Williamga ishcai joven churicunatami charin. Paica ninmi: “Huahuacunaman celularta cushpaca, tucui ladocunaman pornografiata apashpa purina facilidadtami cunajunchi”.

• Celularmandaca huañuitami huañun. Ashtaca gentecunaca celulartaca ninandami faltachin. Na tarishpaca desesperarin o ungushcashnami sintirin. Huaquin taitamamacunaca ninmi, celularpi cashpaca huahuacunaca groseromi tucun. Carmenga ninmi: “Ñuca churiguhuan parlangapaj munajpica, huaquinbica maltami respondihuanata yachan. Paita ama molestachunga ‘tranquilo saquihuai’ nijuj cuendami ricuhuan”.

• Shuj peligrocunapashmi tian. Celularcunamanda huaquingunaca ciberacoso nishca problemacunapi y sexting nishca problemacunapipash yaicun. Shinallata, celularcunamandami huaquingunaca ashtaca tiempota cumurishcalla caimanda o na suficiente tiempota puñuimandaca ungunata yachan. Huaquin jovengunaca “aplicaciones fantasmas” nishcacunatami charin. Chai aplicaciongunaca alishnallami ricurin. Por ejemplo, calculadora aplicacionmi tian. Chai aplicacionbimi jovengunaca taitamama na ricuchun munashca informacionda pacanata yachan.

  Danielca shuj joven ushigutami charin. Paica ninmi: “Teléfono inteligentecunapica alita cashpa o nalita cashpapash tucuita ricui usharinllami”.

¿Imatata tapurina capangui?

• “¿Ñuca churica ciertopachachu celularta minishtijun?”

  Bibliapica ninmi: ‘Ali yachajushca runaca, imata rurangapapash aligutami’ pensarin (Proverbios 14:15). Chaimi tapurina capangui:

  “¿Imamandata ñuca churimanga celularta cugrijuni? ¿Seguro cachunllu celularta cugrijuni? Celularta cujpica ¿ima ventajacunata tianga? ¿Ima peligrocunata tianga? ¿O tal vez imatata rurai ushani?”.

  Todd shuti runaguca ninmi: “Huahuacunata cayangapaj, mensajecunata cachangapaca todaviami sencillo, sin internet celularcunataca tari usharin. Chai fuerapash chashna celularcunaca ashtahuan baratomi canata yachan”.

• “¿Ñuca churica celularta charingapaj preparadochu can?”

  Bibliapica ninmi: ‘Alipacha yachajushca runapa shunguca ali ladotami’ apan (Eclesiastés 10:2). Chaimi tapurina capangui:

  “¿Ñuca churipi confiaita ushanichu? ¿Paica na pacashpa imatapash parlahuanllachu? Por ejemplo ¿picuna paipa amigocuna cashcataca villahuanllu? ¿Picunahuan llevarijushcataca pacahuanllu? ¿Televisionda, tabletta, computadorata o shuj aparatocunata ama yapata ricujungapaj controlarita ushanllu? Serena shuti huarmiguca ninmi: “Teléfono inteligentecunaca alipachami can. Pero peligrosomi caita ushan. Ñucanchi huahuacunapa maquipi shuj jatun responsabilidadta churajushcataca concientemi cana capanchi”.

• “Ñucaca ¿cai responsabilidadta charingapaj listochu cani?”

  Bibliapica ninmi: ‘Huahuamanga ali causaita yachachingui’ (Proverbios 22:6). Chaimi tapurina capangui:

  “¿Ñuca churipa celulartaca aligutachu manejai ushani? ¿Chai celularpi ima peligrocuna tiajta y chai peligrocunapi imashina na urmanataca explicaita ushanachu cani? Taitamama caimandaca ¿control parental nishcaman yaicushpa imashina configuranata yachanichu?”. Ñaupa parrafocunapi parlashca Danielca ninmi: “Llaquimi can, pero huaquin taitamamacunaca huahuacunaman celularta cushpa, imapash tucuchun yangata saquinllami”.

Shinaca: Celularta aliguta manejanata yachajungapaca, huahuacunaca ayudata minishtinmi. Indistractable (Indistraíbles) nishca libropica ninmi, aparato electronicocunata utilizanaca shuj jatun tentacionmi can. Chaimi huahuacunalla chai tentacionhuan luchachunga, na saquina capanchi y taitamamacuna huahuacunamanda na pendiente cajpicarin na paicunatalla saquinachu capanchi.