SIEMPRE CHAPARIANSHNA CAUSASHUNCHI
¿Bibliapi nishcashnaca, religiongunaca guerracunataca apoyanachu can?
Ucraniapi tiashca guerramanda huaquin iglesiacunapa lidercuna imata nishcata ricupashunchi:
“Rusiamanda Iglesia Ortodoxapa Patriarch Kirill shuti liderca, Rusia llacta Ucrania llactata atacashcamandaca ni shuj shimita na nishcachu. Pero paipa iglesiaca Ucrania llactamandaca ashtaca llullacunatami nishca. Y chai llullacunata utilizashpami Rusia llactamanda presidenteca guerrata apoyajushca” (Caica 7 de marzo de 2022pimi Internetpi EUobserver paginapi llujshishca).
“Patriarch Kirill shuti jarica Ucrania llactahuan guerrataca como pretexto utilizashpami pecadota tucuchingapami macanajunajunchi nishca” (Caica 8 de marzo de 2022pimi AP News nishcapimi llujshishca).
“Ucraniapi Iglesia Ortodoxamanda Metropolitan Epiphanius shuti liderca cai lunestaca Rusiamanda soldadocunahuan macanajugrichunmi paipa llactamanda soldadocunataca bendiciarca. Y chai jahuapash nircami que Rusiamanda soldadocunata huañuchinapash na pecadochu can nishpa” (Caica 16 de marzo de 2022pimi Periódico Jerusalem Post nishcapi llujshishca).
“Consejo Ucraniano de Igesias y Organizaciones Religiosasca (UCCRO) Ucrania llactamanda Fuerzas Armadasta y ñucanchi llactata difindij soldadocunatapashmi apoyanchi, bendicianchi y hasta Taita Diostapash mañanajunchi nishcami. Porque paicunami ñucanchita Rusiamanda difindinajun” nishcami (Caitaca 24 de febrero de 2022pimi UCCROa shuti organización nishca).
¿Imatata pensapangui? ¿Jesusta catinchi nij religiongunaca paipa catijcunataca guerraman rinami canguichi ninachu can? Pero caimandaca ¿imatata Bibliapica nin?
Guerracuna tiajpica ¿imatallata religiongunaca rurashca?
Religiongunaca en paz causangapaj nishpami gerracunataca apoyashca, difindishca y hasta guerracuna tiachunbash saquishca. Cai religionguna shina llullashpa nalicunata ruranajushcataca, Testigo de Jehovacunaca por añosmi ricuchishca. Ñucanchi publicaciongunapi imalla llujshishcata ricupashunchi:
“Las cruzadas: ‘trágica ilusión’” nishca temapica, Iglesia Católica Romanaca Taita Diospa y Jesuspa voluntadta ruranajunchi nishpa ashtaca ashtaca gentecunata huañuchishcatami parlajun.
“La Iglesia Católica y África” nishca temapica tribucunapura macanajuchun y paicunapura huañuchirichunbash religionguna na jarcai ushashcatami parlajun.
“¿Tiene la culpa la religión?”, “El papel de la religión en las guerras” y “La religión toma partido” nishca temacunapica, Católico lidercuna, Ortodoxo lidercuna y Protestante lidercuna ishcandipa lado tucushpa ashtaca guerracunata imashina apoyashcatami explicajun.
¿Jesusta catij religiongunaca guerracunataca apoyanachu can?
Jesusca caitami yachachirca: “Canba projimotaca can juyarinshnallatami juyana cangui” nishpa (Mateo 22:39). Y “cangunapa contracunataca juyashpami catina capanguichi” nishpa (Mateo 5:44-47).
Caipi pensaripai: Huaquin religiongunaca shujcunata juyachun Jesús mandashcataca pactachinajunchimi nishcami. ¿Shina nishpapashchu chai religiongunaca paicunapa catijcunataca guerramanga rinallami canguichi nina can? Caita yachangapaca “Los cristianos verdaderos y la guerra” y “¿Es posible amar a un enemigo?” nishca temacunata ricupangui.
Jesusca caitami yachachirca: “Ñucapa Gobiernoca cai mundopi gobiernocunashnaca na canllu. Si ñuca Gobierno cai mundopi gobiernocunashna cajpica, judiocuna ñucata japichunga nunca na ñucapa discipulocunaca saquinmanllu carca” nishpa (Juan 18:36). Y shinallata “espadahuan macanajujcunaca espadahuanllatami huañuchi tucunga” nircami (Mateo 26:47-52).
Caipi pensaripai: Cristianocunaca ni Jesusta difindingapaj na macanajuna cashpaca ¿armacunata japingapaca imapash shuj razonda charinmanllu? Primer siglopi cristianocuna imashina Jesuspa ejemplota y Jesuspa nishcacunata catingapaj esforzarishcata yachangapaca “El cristianismo y la guerra: ¿son compatibles?” nishca temata ricupangui.
Guerracunata apoyaj religiongunahuanga ¿imashi pasanga?
Jesusta catinchi nij religionguna na paipa yachachishcacunata catijpica, Jehová Diosca ninandami millanachin nishpami Bibliapica yachachin (Mateo 7:21-23; Tito 1:16).
“Cai alpapi tucuilla huañuchi tucushcacunamandaca” falso religionmi Jehová Diospa ñaupapica culpable can nishpami Apocalipsis libropica parlajun (Apocalipsis 18:21, 24). Imamanda shina cashcata yachangapaca “¿Qué es Babilonia la Grande?” nishca temata ricupangui.
Taita Dios na ricunayachishca religiongunamanda parlashpami Jesusca nirca chai religiongunataca ‘nali fucuj yuratashnami cuchushpa ninaman shitana’ tucun nishpa (Mateo 7:15-20). Panda religionguna imashina tucuchi tucunata yachangapaca “¡Se acerca el fin de la religión falsa!” nishca temata ricupangui.
Photo credits, left to right: Photo by Sefa Karacan/Anadolu Agency/Getty Images; Maxym Marusenko/NurPhoto via Getty Images
a UCCRO o Consejo Ucraniano de Iglesias y Organizaciones Religiosas nishca organizacionbica 15 iglesiacunami tian. Chaicunaca entre iglesia Ortodoxa, Griego y Romano Católico iglesiacuna, iglesia Protestante y shinallata Evangélico, Judío y Musulmán iglesiacunami can.