¿Bibliapi maijan profeciata problema politicocuna tiana cashcataca villajurca?

Cunan punllapi gentecunaca, política partepica shuj shuj yuyaicunatami charin. Paicunapa causaita afectaj leycunahuanbash na de acuerdo canllu. Chaimandami gentecunaca, culirashpa paicuna imata pensashcataca nin. Gobiernopa legisladorcuna, funcionariocunapash chai gobiernopallata trabajashpapash, shuj shuj yuyaicunatami charin. Paicunaca ni maijanmanda na cazuringapaj munanllu. Problema politicocunata charimandami, gobiernocunaca paicuna rurashca plangunataca na pactachi ushan.

Shinapash, Estados Unidos y Gran Bretaña llactacunapi tiashca problema politicocunami ashtahuan importante can. Gran Bretaña llactataca Reino Unido nishpapashmi rijsin. Pero ¿imamandata Estados Unidos y Gran Bretaña llactacunapi tiashca problema politicocunaca ashtahuan importante can? Bibliapica, chai ishcai llactacuna, problema politicacunata cunan tiempocunapi charinatami villajurca. Shinallata, justo chai tiempopi Taita Diospa Gobierno mandashpa cai alpapi problemacunata tucuchinatami villajurca.

“Tucurimui punllacunapi” tiana problema politicocuna

Bibliapa Daniel libropica, shuj alipacha profeciami tian. Chai profeciapimi Taita Diosca “tucurimui punllacunapi ima tucunata” villajurca. Danielpa tiempopi “tucurimui punllacuna” nishpaca, jipa punllacunamandami parlajurca. Chai jipa punllacunapimi gentecunaca importante cambiocunata ricuna carca (Daniel 2:28).

Taita Diosca ¿imashinata Daniel libropi tiajuj profeciataca villarca? Taita Diosca Babilonia llactamanda rey Nabucodonosormanmi, shuj muscuita muscuchirca. Chai muscuipica shuj jatun estatuatami rey Nabucodonosorca ricurca. Chai estatuaca umamanda callarishpa chaquicamanmi shuj shuj partecunata charirca. Chai partecunaca, de diferente materialcunami carca. Rey Nabucodonosor chai estatuata muscushca jipaca, profeta Danielmi chai estatuapa diferente partecunaca, cai mundopi ashtaca poderta charina gobiernocunata representajushcata explicarca.a Rey Nabucodonosorpa muscuipi ricushca shinaca, tiempohuanga shuj jatun rumi urmashpami chai jatun estatuataca tucuchina carca. Chai jatun rumica, Taita Diospa Gobiernotami representajurca (Daniel 2:36-45).

Danielpa profeciapi nishcashnaca, Taita Diospa Gobiernomi tucuilla gobiernocunapa randica mandana carca. Jesuspash chai Gobiernomandallata parlashpami paipa catijcunataca, Taita Diostaca “quiquinba Gobiernopash shamuchun” nishpami mañana canguichi nirca (Mateo 6:10).

Pero Danielpa profeciapica ¿maijan partepita politicacunapi problemacuna tianataca villajurca? Daniel 2:33​ta ricupashun. Chai textopica, chai estatuapa chaquicunaca ‘ashaca jirruhuan, ashaca cusashca turuhuan chapushcami carca’ nijunmi. Estatuapa chaishuj partecunaca shujlla materialhuan rurashcacunami carca. Pero chaquicunaca ashaca jirruhuan ashaca turuhuan chapushcami carca. Shinaca, chaquicunata representajuj gobiernoca diferentemi cana carca. ¿Imapita diferente cana carca? Imapi diferente cana cashcataca, Danielpa profeciapillatami explicajun. Ricupashun:

Chai profeciapi nishcashnaca, jatun estatuapa chaquicunata representajuj gobiernoca, ashtaca problemacunatami politicapica charina carca. Chai gobierno mandajuj gentecunaca, chai gobierno shinlli cachunga na saquinachu carca.

Danielpa profeciaca cunanbimi pactarijun

Estatuapa chaquicunaca, cunan tiempopi mundo enteropi ashtaca poderta charij gobiernotami representajun. Chai gobiernoca Estados Unidos y Gran Bretañami can. ¿Imamandata shina nipanchi? Cunan punllacunapi imacunalla pasajujta ricushpami shina nipanchi. Pero ¿imacunallata pasajushca?

Jatun estatuapa chaquicunaca ‘ashaca jirruhuan, ashaca turuhuan’ chapushca caimandami urmanalla, débil can (Daniel 2:42). Cunan punllacunapica, tanto Estados Unidospash tanto Gran Bretañapash paicunapa llactapi gentecunallata na de acuerdo cashcamandami urmanalla, débil can. Por ejemplo, ishcandi llactacunapillatami gentecunaca por grupo separarishcacuna can, na unidocuna canllu. Chai grupocunaca, paicunapura de acuerdo caitaca na ushanllu. Gentecunapash culirashpami paicunapa derechocunata reclamashpa protestacunata ruran. Gentecuna agllashca candidatocunapash poderman chayashpaca, shuj acuerdo mayoritariota charitaca na ushashcachu. Estados Unidospa y Gran Bretañapa gobiernopash, paicuna rurashca plangunataca na pactachi ushashcachu. Paicunapa llactapi gentecuna paipurallata na de acuerdo caita ushashcamandami, paicuna rurashca plangunataca na pactachi ushashca.

Profeta Danielpa profeciapi imacunatalla nishcata y chaicuna cunanbi imashina pactarishcata cunanga ricupashun:

Profecía: ‘Ishcaipi shicanyarishca llactaca jirrushna shinlli mandajmi’ canga (Daniel 2:41).

¿Imata significan? Estados Unidos y Gran Bretañaca, paicunapa llactapi gentecunahuanllata ashtaca cosascunapi na de acuerdo cashpapash, ashtaca poderta charij jatun ejercitotami charin. Chai ejercitohuan shayarishpami, mundo enterota afectaj cosascunata rurai ushan. Shinami Estados Unidos y Gran Bretañaca jirrushna shinlli can.

¿Imashinata pactarin?

Instituto Internacional de Estudios para la Paz de Estocolmo nishcaca nircami: “Año 2023​pica, tauca llactacuna militarcunapi mashna culquita gashtashcata yachangapami shuj listata rurarca. Chai listata ricujpica, Estados Unidos y Reino Unidomi 12 llactacunatapash yali, paicunalla militarcunapica ashtaca ashtaca culquita gashtashcarca” nin.

Abril de 2024​tami, Comando Estratégico, Ministerio de Defensa del Reino Unidoca nirca: “Estados Unidos y Reino Unidoca alipacha tandanajushpami ñucanchi llactacunataca difindishcanchi. Ñucanchishna unido llactacunaca ni maijan llacta na tiashcachu. Estados Unidos y Reino Unidoca última tecnologiacunatami utilizanchi. Ishcandi llactacunaca unidocunami capanchi, igualmi apoyarinchi y maijan llactahuan guerraman yaicushpapash, igualmi chai llactata mishangapaca macanajunchi” nircami.

Profecía: ‘Chaqui dedocunapash, ashaca jirruhuan, ashaca turuhuan cashcamandami ishcaipi shicanyarishca llactaca, chaupica shinlli, chaupica urmanalla canga’ (Daniel 2:42).

¿Imata significan? Estados Unidos y Gran Bretañaca shinlli, jatun ejercitota charishpapash, paicunapa gobiernoca democraticomi can. Chaimandami, paicuna rurashca plangunata pactachitaca na ushan. Paicunapa llactapi la mayoría na apoyajpimi, Estados Unidos y Gran Bretañaca paicuna imata rurangapaj munashcataca na rurai ushan.

¿Imashinata pactarin?

Shuj importante periodicoca ninmi: “Analista politicocunaca, gobierno americanopica ashtaca divisiongunami tian” ninmi. Chaimandami “Estados Unidosca paipa llactapi imata rurajushcatallata mundo enteropi ruraitaca na ushan. Por ejemplo, seguridadpi o negociocunapi imata rurajushcata mundo enteropi ruraitaca na ushanllu” ninmi (The Wall Street Journal).

Instituto de Gobiernopash ninmi: “Gran Bretañapi politicocunaca, ima horapash na tiashca ashtaca problema politicocunahuanmi luchana tucushca” ninmi. “Chaimandami gobiernopa trabajadorcunacab gentecunata ayudangapaj cambiocunata ruraitaca na ushashca” nin.

Profecía: ‘Jirruhuan, turuhuan chapushpa rurashcashnallatami, runacunapurahuanllata ari nishpa tandanajunga. Ashtahuangarin imashinami jirruca, turuhuanga na chapurin, shinallatami paicunapash caishujmanda chaishujmandaca na tandanajunga’ (Daniel 2:43).

¿Imata significan? Gobierno demócratico nishcacunapica, na político gentecunapashmi gobiernopica asha poderta charin. Y na tucuicunachu gobiernopa decisiongunahuanga conforme quidan.

¿Imashinata pactarin?

Centro de investigación Pew Research Center nishcaca ninmi: “Cunan tiempopi americanocunaca, politicocunata y chai politicocunapa ideacunatapash nimamanda na gushtanllu” ninmi.

Centro Nacional de Investigación Social nishcapash ninmi: “Cai último huatacunapica, Gran Bretañamanda gentecunaca ni paicunapa gobiernopipash, ni paicunapa politicocunapipash ñana confianllu” ninmi.

Danielpa profeciaca ¿imashinata shamuj punllacunapica pactaringa?

Danielpa profeciapi nishcashnaca, Estados Unidos y Gran Bretaña tandanajushpami, mundo enteropica ashtaca poderta charina carca. Pero chai llactacuna ashtaca poderta charishca tiempopimi, Taita Diospa Gobiernoca, tucuilla gobiernocunapa randi mandana can (Daniel 2:44).

Bibliapa Apocalipsis libropipash, chai profeciamandallatami parlajun. Chaipica ‘gulpi alpa enteromanda reycunami’ Jehovác Diospa contra shayarishpa, Armagedón nishca macanajuipi macanajunga nirca. Armagedonga “Tucui Poderta Charij Taita Diospa jatun punllami” can (Apocalipsis 16:14, 16; 19:19-21). Chai macanajuipimi, Jehová Diosca cai alpapi tucuilla gobiernocunata tucuchina can. Chai jipaca, Danielpa profeciapi nishcashnaca ni shuj gobierno na tianachu can.

Ashtahuan yachangapaj munashpaca “Armagedonga ¿imata can?” nishca temata ricupangui.

Danielpa profeciaca ¿imashinata quiquindaca ayudan?

Estados Unidosmanda y Gran Bretañamanda Bibliapi imacunatalla nijushcata yachashpaca, cunanbi imacunalla pasajushcata ricushpaca, ñana ricuimanda ricupanguichu.

• Shinallata, Jesús yachachishpa saquishca shinaca, Jesuspa catijcuna imamanda cai mundopa politicacunapi na chapurina cashcatami intindipangui (Juan 17:16). Ashtahuanbash, Taita Diospa Gobiernopi mandagrijuj rey Jesús imamanda “ñucapa Gobiernoca cai mundopi gobiernocunashnaca na canllu” nishcatapashmi intindipangui (Juan 18:36).

• Taita Dios prometishcashna, Taita Diospa Gobierno tucuita cambiashpa, gentecunata ñalla bendicianatapashmi seguro caita ushapangui (Apocalipsis 21:3, 4).

• Gobiernocuna na de acuerdo caimanda cai alpata tucuchinatapash ñana preocuparipanguichu (Salmo 37:11, 29).

Danielpa profeciapi nishcashnaca, jatun estatuapa chaquicunaca Estados Unidos y Gran Bretaña llactatami representajushca. Cai mundopica, chai llactacunapa gobiernomi último gobierno canga. Chai gobiernopa jipaca, Taita Diospa Gobiernomi mandanga. Taita Diospa Gobiernoca perfectomi canga. Jahua cielomandami mandanga.

Taita Diospa Gobierno gentecunata imashina ayudanata yachangapaca, Taita Diospa Reinoca ¿imata can? nishca videota ricupangui.