Testigo de Jehovacunaca ¿ima capacitaciongunatallata chasquin?

Tucuilla testigo de Jehovacunatami Jesusta ali catijcuna cachun, Taita Diospa Gobiernomanda predicashpa gentecunaman aliguta yachachichun preparan (Mateo 24:14; 28:19, 20). Chaicunata ali pactachingapaca cada semana tandanajuicunapi, shinallata cada huata jatun tandanajuicunapimi capacitaciongunataca chasquipanchi. Congregacionbi o Jehovapa organizacionbi ashtahuan responsabilidadcunata charij huauquipanicunaca Bibliamanda ashtahuan capacitaciondami chasquin.

Cai temapica cai yuyaicunatami ricupashun:

• Testigo de Jehovacunaca ¿ima preparaciongunatallata chasquin?

• Testigo de Jehovacunata capacitangapaj escuelacuna

• Testigo de Jehovacunaca ¿ima librohuanda capacitan?

• ¿Capacitacionda chasquishcamandaca paganachu can?

• Cai capacitaciongunaca ¿imashinata Testigo de Jehovacunataca ayudashca?

Testigo de Jehovacunaca ¿ima preparaciongunatallata chasquin?

Congregacionba tandanajuicuna. Cada semanami, Testigo de Jehovacunaca shuj Salón del Reinopi tandanajupanchi, cai pushtupica semanapi ishcai viajemi Taita Diosta adorangapaj tandanajunchi. Primera reunionga chaupi semanapimi, cati reuniondaca fin de semanapimi charipanchi. Cai tandanajuicunamanga tucuicunami rita ushanchi, chaipica culquitaca na mañanllu.

• Chaupi semana tandanajui. Cai tandanajuicunapica ali liinata, gentecunahuan parlanata, predicanata y ali yachachinatami yachajupanchi. Shinallata cai tandanajuipica discursocuna, tapuicuna, demostracionguna, videocuna, respuestacunahuanmi yachajunchi. Tucui caicunami Taita Diospa shimita ali villachichun, shinallata gentecuna Bibliamanda yachajungapaj munajpica, ali yachachichun ayudan. Cai tandanajuicunapica tucuicuna Taita Diospi ashtahuan feta charichun, paita ashtahuan juyachun, shinallata ñucanchi huauquipanicunatapash ninanda juyachunmi ayudan.

• Fin de semana tandanajui. Ishcai partetatami charin: Callaripica shuj discurso Bibliamandami tian, cai discursoca tucuicunapami can, catipica Villajun revistata tapuicunahuan, respuestacunahuanmi yachajupanchi.a Cai discursocunapi, cai Villajun revistacunapi yachachishcacunaca ñucanchi aliguta causachun, shinallata Taita Diosta ali sirvichunmi ayudan.

Jatun tandanajuicuna. Cai jatun tandanajuicunaca huatapica quimsa viajemi tian, caicunamanga tauca congregacionmanda huauquipanicunami rin. Chaipica Bibliapa temacunata japishpami discursocunata, demostraciongunata, entrevistacunata, videocunatapashmi ricupanchi. Congregacionbi tandanajuicunashnallatami, cai jatun alipacha tandanajuicunaca Bibliata ashtahuan intindichun, shinallata gentecunaman ali villaicunata ali villachichunmi ayudan. Cai tandanajuicunamanga tucuicunami ri ushanchi, culquitaca na mañanllu.

Testigo de Jehovacunata capacitangapaj escuelacuna

Huaquin huauquipanicunataca ashtahuan Bibliamanda yachajuchunmi huaquin escuelacunaman invitan. ¿Maijan escuelacunata can? ¿Imapata can y mashna tiempota paran? ¿Chai escuelamanga picunata rita ushan?

Precursorcunapa Escuela

• ¿Imapata can? Cai escuelaca precursor huauquipanicunata ashtahuan ali villachichun,b ashtahuan ali yachachichun ayudangapami can. Cai escuelapica Bibliamanda shuj shuj temacunahuan, demostraciongunahuan, discursocunahuanmi yachachin.

• ¿Mashna tiempota paran? Seis punllacuna.

• ¿Picunallata rita ushan? Shuj huata enterota precursor shina sirvij huauquipanicunatami chai escuelamanga invitan. Shinallata cada cinco huatapimi precursorcunataca chai escuelamanga invitan.

Escuela para Evangelizadores del Reino

• ¿Imapata can? Experienciata charin precursorcunata ashtahuan alipacha yachachingapami can. Chai escuelapi estudiantecunaca ali villachijcuna, ali yachachijcuna cangapami ashtahuan yachajun, shinallata Bibliamanda huaquin temacunata investigashpami ashtahuan yachajun. Chai escuelapi graduarishca jipaca huaquin huauquipanicunataca maipi ashtahuan predicangapaj minishtirishca pushtucunamanmi cachan.

• ¿Mashna tiempota paran? Ishcai quillacuna.

• ¿Picunallata rita ushan? Cai escuelaman ringapaj solicitudta jundachishca precursorcuna, shuj requisitocunatapash pactachij precursorcuna, minishtirishca pushtupi sirvinaman ringapaj munajcunami rita ushan.

Escuela para Ancianos de Congregación

• ¿Imapata can? Cai escuelaca congregacionmanda ancianocunac paicunapa responsabilidadcunata aliguta pactachichun, huauquipanicunaman aliguta yachachichun y espiritualmentepash ali cuidachunmi ayudan. Shinallata cai escuelaca Taita Diostapash, huauquipanicunatapash ashtahuan juyachunmi ayudan (1 Pedro 5:2, 3).

• ¿Mashna tiempota can? Cinco punllacuna.

• ¿Picunallata rita ushan? Cai escuelamanga chairalla nombramientota chasquishca ancianocuna shinallata 5 huatacunapi cai escuelaman na rishca ancianocunapashmi rita ushan.

Superintendente de circuito y paicunapa huarmigucunapa escuela

• ¿Imapata can? Cai escuelaca superintendente huauquicuna congregaciongunata visitashpa paicunapa responsabilidadta ali pactachichunmi ayudand (1 Timoteo 5:17). Cai cursoca ancianocuna y paipa huarmicunapash Bibliaguta ashtahuan ali intindichunmi ayudan.

• ¿Mashna tiempota paran? Shuj quilla.

• ¿Picunallata rita ushan? Superintendente de circuito paicunapa huarmigucunahuan ña shuj huatata superintendente de circuito shina sirvishcacunapa shinallata cai escuelamanga cada 5 años jipami cutin invitan.

Escuela del Ministerio del Reino

• ¿Imapata can? Cai escuelaca ancianocunata y siervo ministerialcunata ayudangapami can.e Congregacionbi paicunapa responsabilidadcunata aliguta intindishpa, ima pasajpipash aliguta pactachishpa ayudachunmi yachachin (2 Timoteo 3:1). Cai cursotaca huaquin huatacunapillami ruran.

• ¿Mashna tiempota paran? Shuj punlla, pero maijan punllapash caita ushanllami.

• ¿Picunata rita ushan? Superintendentes de circuito, ancianos y siervo ministerialescunapami can.

Escuela del Servicio de Betel

• ¿Imapata can? Betelpi sirvijcunata ayudangapami canf paicunapa trabajota ali pactachichun, shinallata Taita Diostapash y huauquipanicunatapash ashtahuan juyachunmi ayudan.

• ¿Mashna tiempota paran? Cinco días y mediomi can.

• ¿Picunallata rita ushan? Betelpi tucuilla sirvijcunapami can. Shinallata 5 huatacunapi chai escuelaman na rishca huauquipanicunatami invitan.

Escuela Bíblica de Galaad de la Watchtower

• ¿Imapata can? Cai escuelaca estudiantecuna Bibliata ashtahuan juyachun, chai yachajushcacunata paicunapa causaipi ashtahuan ali pactachichunmi ayudan (1 Tesalonicenses 2:13). Cai escuela de Galaadman rishca espiritualmente shinlli huauquipanicunaca, Jehovapa organizacionbi ashtahuan sirvingapami prepararishca can. Escuela de Gaaladpi graduarishca huauquipanicunaca shuj shuj asignaciongunatami chasquin, talvez shuj paisman predicachun cachaita ushan, o shinallata paicunapa llactapi Betelpi sirvichun cachaita ushan.

• ¿Mashna tiempota paran? Cinco quillacuna.

• ¿Picunallata rita ushan? Tiempo completopi sirvij huaquin misionerocuna, precursor especialcuna, Betelpi sirvijcuna, superintendente de circuito y paicunapa huarmicunapami can. Cai escuelaman ringapaca Betelmanda shuj invitaciondami chasquin. Cai escuelaca Centro Educativo de la Watchtower Patterson llactapimi can (Nueva York).

Escuela para Miembros de Comités de Sucursal y sus Esposas

• ¿Imapata can? Comité de Sucursalpig sirvij huauquicunata capacitangapami can. Paicunaca Sucursalpi imacunata rurajushcata, chai llactapi Testigo de Jehovacuna o chai Sucursal ricuriajuj llactacuna imashina villachinajushcatami ricun.

• ¿Mashna tiempota paran? Ishcai quillacuna.

• ¿Picunallata rita ushan? Testigo de Jehovacunapa Central Mundialmanda huauquicunami, Comité de Sucursalpi sirvinajuj huaquin huauquicunata paicunapa huarmicunandi chai cursomanga invitan. Chai cursoca Centro Educativo de la Watchtower Patterson (Nueva York) llactapimi can.

Testigo de Jehovacunaca ¿ima librohuanda capacitan?

Testigo de Jehovacunapa escuelacunapi yachachishcacunaca Bibliamandami can. Testigo de Jehovacunaca imatapash yachachingapaca Bibliatami siempre utilizanchi. Biblia Diospa Shimi cashcata, chaipi yachachishcacuna tucui ñucanchi causaipi ayudashcatami seguro capanchi (2 Timoteo 3:16, 17).

Capacitacionda chasquishcamandaca ¿paganachu can?

Na paganachu can. Tucui ñucanchi escuelacunaca gratismi can. Chai escuelacunapaca gentecuna cushca donaciongunatami utilizanchi (2 Corintios 9:7).