Testigo de Jehovacunaca ¿Jesuspi crinllu?

Ari crinchimi. Jesusllatami nirca: “Ñucallami ñan cani. Na llullashpa villajmi cani. Causaita causagrinata carajpashmi cani. Ñuca Taitapajman ñuca na pushajpica, pipash na paillata chayai ushanllu” nishpa (Juan 14:6). Jesús cielomanda cai alpaman shamushcata, paipa causaita cungapaj shamushcataca tucui shunguhuanmi crinchi (Mateo 20:28). Jesús huañushpa cutin causarishcamandami paipi feta charijcunaca para siempre causai ushashun (Juan 3:16). Shinallata Diospa Reinopi Jesús mandajushcatami crinchi. Chai Reino cai alpata mandajpimi ali causai tianga (Apocalipsis 11:15). Shinapash Jesusca nircami: “Ñuca Taitaca, ñucata yali ushaitami charin” nishpa (Juan 14:28). Ñucanchica cai shimicunata ricushpami Jesús Tucui Ushaita Charij Dios cashcataca na crinchi. Chaimandami Jesustaca na adoranchi.