Jehová Diosca ¿imashinata Jesustaca cuidarca?

HUAQUIN jovengunaca paicunallata cuidaritaca na ushanllu. Chaimi Jehová Diosca ninanda paicunataca cuidan. Pensaripai, campo puringapaj llujshishcanguiman. Y aunque na intindishpapash Jehová Dios imata rurajta ricushcanguiman.

Canba ladopica shuj pajarogu urai tiarijta ricushcanguiman. Chugrishcashnallami can. Porque alastaca alatrashpami purijun. Paipaman quimiringapaj munajpica, asha asha ashtahuan caruyashpami jaicata volan. Chai pajaroguca na chugrishcachu carca. Shinaca ¿imashi pasajushcanga? ¿Yachanguichu?...

Chai pajarogu tiarishca ladopica, yuracuna ucupimi paipa huahua pajarogucuna carca. Mama pajaroguca paipa huahuacunata japishpa dañota rurachunga na munarcachu. Chaimandami chugrishcashnalla tucushpaca candaca chai pushtumanda caruyachirca. ¿Pita ñucanchitaca chai pajarogushna cuidan?... Bibliapica, paipa huahuagucunata cuidajuj aguilahuanmi Jehová Diostaca comparan (Deuteronomio 32:​11, 12).

Jesusca Jehová Diospa ashtahuan juyashca churigumi carca. Jesús jahua cielopi causashpaca paipa Taitashna ashtaca poderta charij espiritumi carca. Chaimi paillata ali cuidarita usharca. Pero Jesús cai alpapi nacirishpaca llullu huahuagu caimandami paillata cuidaritaca na usharca.

Jesusca Jehová Diospa mandashcata pactachingapami, viñana y perfecto tucuna carca. Pero Diablo Satanasca shina tucuchunga na munarcachu. Chaimi Jesustaca huahua cajpillata huañuchingapaj munarca. Jesusta Diablo imashina huañuchingapaj munashcata y Jehová Dios imashina cuidashcata liinaca alipachami can. ¿Nachu yachangapaj munanguiman?...

Jesús nacirishca jipallami Diabloca jahua cielopica shuj estrellashna michata brillachirca. Estrellacunata estudiaj astrologocunaca chai estrellata catishpami Jerusalenman chayangacaman rirca. Paicunaca ashtaca ashtaca kilometrocunatami catishpa rirca. Jerusalenman chayashpaca, judiocunapa reyca maipita nacirina can nishpami tapurca. Chai jipaca, Bibliapi imata nijujta yachashpami huaquin runacunaca ‘Belenbimi’ nacirina can nirca (Mateo 2:​1-6).

Nali rey Herodesca Jerusalenbi cashpami, ladolla Belén pueblopi shuj mushuj rey chairalla nacishcata yachaj chayarca. Chaimi astrologocunataca ‘chai huahuaguta mascagrichi. Tarishpaca ñucaman villangapaj shamunguichi’ nirca. Pero ¿imamandashi Herodesca Jesusta taringapaj munajurca? ¿Yachanguichu?... Jesusta envidiaimanda y paita huañuchingapaj munaimandami Herodesca Jesusta mascajurca.

Shina pasajpica ¿imashinata Jehová Diosca paipa Churitaca cuidarca?... Astrologocuna Jesusta tarishpaca ashtaca regalocunatami paimanga cararca. Chai jipami Taita Diosca shuj muscuipi astrologocunataca Herodespamanga na tigranachu canguichi nishpa advirtirca. Chaimi astrologocunaca shuj ñanda japishpa paicunapa llactaman tigrarca. Jerusalendaca na yalircachu. Astrologocuna rishcata yachaj chayashpaca Herodesca ninandami culirarca. Jesustaca huañuchingapapachami munarca. Chaimi Herodesca Belén pueblopi menor de 2 años huahuacunataca tucuillata huañuchichun ordenarca. Pero Jesusca ñana Belenbichu carca.

¿Imashinashi Jesusca salvarirca?... Astrologocuna rishca jipami, Jehová Diosca Mariapa cusa Josetaca Egipto llactaman pacajushpa ri nirca. Chaipimi Jesusca a salvo caita usharca. Huaquin huatacuna jipami José y Mariaca Jesusdin Egiptomanda rirca. Chaipimi Jehová Diosca cutin Josetaca shuj muscuipi parlarca. Paitaca, Nazaret llactaman ri nircami. Chaipimi Jesusca ñana peligropi cana carca (Mateo 2:​7-23).

¿Paipa Churita cuidangapaj Jehová Dios imata rurashcata intindircanguichu?... ¿Pita huahuagucunata cuidaj mama pajarogushna can? ¿O pita Jesús huahuagushna can? ¿Nachu can Jesús huahuagushna cangui?... Candapashmi dañota rurangapaj munanajun. ¿Picunata dañota rurangapaj munanajun?...

Bibliapica, ñucanchita micungapaj munajuj leonhuanmi Diablotaca comparan. Imashinami leonga uchilla animalgucunata atacan, shinallatami Diablo y paipa demoniocunapash huahuacunata atacan (1 Pedro 5:​8). Pero Jehová Diosca Diablota yali ashtahuan podertami charin. Paita sirvinajuj huahuacunataca cuidaita ushanmi. Y Diablo ima nalita rurajpipash huahuacuna ali sintirichun ayudaita ushanmi.

Cai libropa capítulo 10​pi yachajushca shinaca ¿Diablo y paipa demoniocunapash ñucanchicuna imata rurachunda munan?... Taita Diospa ñaupapi mapa, nali ricurij relaciones sexualesta charichunmi munan. ¿Picunallata relaciones sexualesta charita ushan? ¿Yaripanguichu?... Cazarashca cusahuarmicunallami relaciones sexualestaca charita ushan.

Pero huaquin gentecunaca, nali cajpipashmi huahuacunahuan relaciones sexualesta charinata gushtan. Mayor gentecunata ricushpami huahuacunapash chai nali ruraicunata yachajushpa, paicunapa partecunataca mapa cosascunata rurangapaj utilizan. Punda Sodoma llactapipash shinallatami pasarca. Bibliapica ‘chairalla viñai huambracunamanda callarishpa, ashtahuan rucu’ gentecunapashmi nalicuna carca nin. Paicunaca Lotta visitangapaj rishca jaricunahuanmi relaciones sexualta charingapaj munarca (Génesis 19:​4, 5).

Imashinami Jesús huahuagu cashpaca paita cuidachun minishtirca shinallatami canbash canda pipash cuidachun minishtingui. Porque huaquin mayor gentecuna y shuj huahuacunapash canhuan relaciones sexualesta charingapami munanga. Chaimandami paicunamandapash cuidarina cangui. Paicunaca yangatami canba amigo caj tucunga. Y pimanbash na villajpica imagutapash carasha ningami. Pero chai gentecunaca Diabloshna y paipa demoniocunashna nalicunami can. Paicunapa munashcatallami rurangapaj munan. Chaimandami huahuacunahuan relaciones sexualesta charingapaj munan. Chaica nalipachami can.

Chai nali gentecunaca paicunapa munashcata rurashpa ali sintiringapaca ¿imatashi ruran?... Paicunaca canba parteguta japishpa tacaringapami munanga. Hasta paicunapa partecunatami canba partegucunapi jacuchingapaj munanga. Pero shina rurachunga nimamanda na saquinachu cangui. Canba partegucunataca nipi na tacarinachu can. Ni siquiera canba mama ni canba taita, ni canba huauquipanicunapash na pugllashpa tacarijunachu can. Chai partegucunaca privadomi can.

Chashna nali gentecunamanda cuidaringapaca ¿imatata rurana cangui?... Primeroca, canba partegucunata pipash tacarijuchunga nimamanda na saquinachu cangui. Pipash tacaringapaj munajpica shinllitami “ama tacarihuaichu, villashami” nina cangui. Y si canba culpamandallatami shina pasarca nijpipash na crinachu cangui, llullaitami llullajun. Pi chaita rurajpi o nijpipash ucha rishpami, ima pasashcataca uchalla canba de confianza personaman villana cangui. Cutin, pimanbash na villanachu cangui, secretomi can nijpipash na upallachu quidana cangui. Regalocunata carashami nijpi o amenazajpipash chai personamanda alejarishpami, pai imata rurashcataca villana cangui.

Na manllashpapash cuidadota charinami cangui. Si canba taitamamacuna chai pushtu o chai gentecunaca nalichu can nijpica, paicunata crinami cangui y cazunami cangui. Shinami pipash ama dañota rurachun cuidarita ushangui.